މާލޭގެ ބާޒާރު ސަރަހައްދުގައި ޓްރޯލީ ބޭނުންކުރުން ހުއްޓުވުމަށް ހަރުދަނާ ނިޒާމެއް ޤާއިމުކުރުމުގެ މަސައްކަތް ކުރަމުންދާކަމަށް މާލެ ސިޓީ ކައުންސިލުން ވިދާޅުވެއްޖެއެވެ. މާލޭ ބާޒާރު ސަރަހައްދުގެ މަގުތަކުގައި ޓްރޯލީ ދުއްވުމަކީ، އެސަަރަހައްދުގެ ޓްރެފިކަށް ކުރިމަތިވެފައިވާ އެންމެ ބޮޑު އެއް މައްސަލައެވެ.
މާލޭ މަގުތަކުގެ ކާރޫބާރޫ ކުޑަކުރުމަށް މާލެ ސިޓީ ކައުންސިލުން ކުރައްވަމުންދަ މަސައްކަތްތަކުގެ މަޢުލޫމާތު ޕީއެސްއެމް ނިއުސްގެ ރާއްޖެ މިއަދު ޕްރޮގްރާމްގައި ތަފްސީލްކޮށްދެއްވަމުން، ސިޓީ ކައުންސިލްގެ މެމްބަރު އަހުމަދު ޒަމީރު ވިދާޅުވީ، ނޯތް ހާބަރާއި، މާލޭ މަސްވެރިންގެ މާރުކޭޓާއި، ދަތުރުވެރިންގެ މާރުކޭޓާއި ވަޅޯމަސް މާރުކޭޓު ހިމެނޭ ސަރަހައްދަކީ ކާރޫބާރޫ ބޮޑު ސަރަޙައްދަކަށްވާތީ އެކަމަށް އެދެވޭ ޙައްލެއް ހޯދުމަށް ސިޓީ ކައުންސިލުން މަސައްކަތް ކުރައްވަމުންދާކަމަށެވެ.
މި ސރަހައްދުގެ ޓްރެފިކް ބާރުބޮޑުވުމުގައި، ބަރުކޮށްގެން ދުއްވާ ޓްރޯލީތަކުގެ ދައުުރު ބޮޑުކަން ފާހަގަކުރައްވައި ޒަމީރު ވިދާޅުވީ، މި ޓްރޯލީތަކަކީ މާލޭގެ މަގުތަކުގައި ދުއްވަން ފަރުމާކޮށްގެން ހުއްދަދީފައިވާ އެއްޗެއްވެސް ނޫންކަމަށެވެ. ގިނަ ޢަދަދެއްގެ މުދާ ބަރުކޮށްގެން މިފަދަ ޓްރޯލީތަށް ވަންވޭއާއި އިދިކޮޅަށް ދަތުުރުކުރުމުގެ ސަަބަބުން މި ސަރަހައްދުގައި ދަތުރުފަތުރުކުރާ ފަރާތްތަކުން ސިޓީ ކައުންސިލަށް ގިނަ ޝަކުވާތައް ހުށަހަޅާކަން ޒަމީރު ފާހަގަކުރެއްވިއެވެ.
"މާލޭގެ ބާޒާރުގައި ދުއްވާ ޓްރޯލީ ތަކަކީ އަސްލު ގުދަންތަކުގައި ބޭނުންކުރާ އެއްޗެހި. އެހެންނަމަވެސް މިހާރު މިފެންނަނީ މަގުމަތީގައި މި ޓްރޯލީތަށް ދުއްވާ މަންޒަރު. މިކަން ހައްލުކުރުމަށް މަސައްކަތްކުރަމުން މިދަނީ. މިކަމުގައި އެންމެ ބޮޑު އުނދަގޫވަނީ ކާރޫބާރޫ ބޮޑު މަގުތަކުގައި ޓްރޯލީތަށް ފުރާ ވަންވޭއާ އިދިކޮޅަށް ދިއުން." އަޙްމަދު ޒަމީރު ވިދާޅުވިއެވެ.
ޤަވާޢިދާ ޚިލާފަށް ޓްރޯލީތައް ދުއްވުމުގެ ސަބަބުން، އެކިފަރާތްތަކަށް ގެއްލުންވާކަން ފާހަގަކުރައްވައި ޒަމީރު ވިދާޅުވީ، ޓްރޯލީތަށް ބޭނުންކުުރުން ގިނަވުމުގެ ސަބަބުން ކުލީ ވެހިކަލްތަކަށް ލިބޭ ދަތުރުތައްވެސް މަދުވުމުގެން ދާކަމަށެވެ. އަދި ހަމަމިއާއިއެކު ވެހިކަލް ޕާކްކުރާ ސަރަހައްދުގައި މި ޓްރޯލީތައް އުޅަނދުތަށް ޤަވައިދާ ޚިލާފަށް ބަހައްޓާފައި ހުންނަ މަންޒަރު ފެންނަކަން ޒަމީރު ފާހަގަކުރެއްވިއެވެ.
މިމައްސަލަ ހައްލުކުރުމަށް މާލޭ ބާޒާރު ސަރަހައްދުގައި ޓްރޯލީ ބޭނުންކުރުން ހުއްޓުވުމަށް ހަރުދަނާ ނިޒާމެއް ޤާއިމުކުރުމުގެ މަސައްކަތް ކުރަމުންދާކަމަށް ޒަމީރު ފާހަގަކުރެއްވިއެވެ. އެގޮތުން މިފަދަ ޓްރޯލީތަށް ނަގައި ޖޫރިމަނާކޮށް، މިސަރަހައްދުގައި ޓްރޯލީ ދުއްވުން މަނާ ކުރުމުގެ މަސައްކަތް ކުރަމުންދާކަން ޒަމީރު ފާހަގަކުރެއްވިއެވެ.
"މިކަމުގެ ސަބަބުން ކުދި ޕިކަޕްތަކުގެ ދަތުރުތަށް ނުލިބޭ މަންޒަރު ފެނޭ. މި ޓްރޯލީތަކަށް އެއްވެސް ރަޖިސްޓްރޭޝަންއެއް އަދި އެއްވެސް ފީއެއް ދައްކާކަން ނުޖެހޭ. މިކަމުގެ ސަބަބުން ދިމާވާ މައްސަލަތަށް ހައްލުކުރުމަށާއި ޓްރެފިކަށް އޮތް މި ގޮންޖެހުން ހައްލުކުރުމަށް މި ޓްރޯލީތަށް ނަގައި ނައްތާލުމަށް މަސައްކަތްކުރަމުން މިދަނީ." އަހުމަދު ޒާހިރު ވިދާޅުވިއެވެ.
މާލޭގެ ބާޒާރު ސަރަހައްދުގެ ކާރޫނާރޫ ކުޑަކުރުމަށް އެ ސަރަހައްދުން ޓްރޯލީ ބޭނުންކުރުން ހުއްޓުވުމަށް ހަރުދަނާ ނިޒާމެއް ޤާއިމުކުރުމުގެ މަސައްކަތް ކުރަމުންދާއިރު، ޕްލޭނިންގް މިނިސްޓްރީއާއި މާލެ ސިޓީ ކައުންސިލާއި ޓްރެދިކް ޕޮލިސް ގުޅިގެން މާލޭގެ މަގުތަކުގެ ކާރޫބާރޫ ކުޑަކުރުމަށް ގިނަ މަސައްކަތްތަކެއް ދަނީ ކުރަމުންނެވެ. އެގޮތުން މާލޭގެ އެކި ސަރަަހައްދުތަކުގައި އައު ޕާކިން ސަރަހައްދުތަށް ތަރައްޤީކޮށް ހުޅުވަމުންދާއިރު، ކާރޫބާރޫ ބޮޑުވާ ވަގުތު މާލޭގެ މަގުތަކުގައި ދަތުުރުފަތުރުކުރާގޮތަށްވެސް ގެންނަނީ ބަދަލުގެންނަމުންނެވެ.