މެންޗެސްޓާ ޔުނައިޓެޑްގައި މަޑުކުރާނަންތޯ ނިންމަން އެކުލަބުން ކީޕަރު ޑޭވިޑް ޑެހެޔާ އަށް ހަފުތާއެއްގެ މުހުލަތުދީފިއެވެ.
ޔުނައިޓެޑާއެކު ޑެހެޔާ ހަދާފައިވާ ކޮންޓްރެކްޓް 2020 އަށް ހަމަވާނެއެވެ. މިހެންވެ އޭނާ އަށް ހަފުތާއަކު ތިން ލައްކަ ފަންސާސްހާސް ޕައުންޑް ލިބޭ ކޮންޓްރެކްޓެއް މިހާރު ވަނީ ހުށަހަޅާފަ. މިކަމާމެދު ގޮތެއް ނިންމަން ހަފުތާއެއް ދީފައިވާއިރު ޑެހެޔާ އަށް މީގެ ކުރިން ޝައުގުވެރިކަން ފާޅުކޮށްފައިވަނީ ސްޕޭނުގެ ރެއާލް މެޑްރިޑުންނެވެ. އޭނާ ވެސް އެކުލަބަށް ކުޅެން ބޭނުންވެއެވެ. ނަމަވެސް ރެއާލްގައި މިހާރު މޮޅު ދެ ކީޕަރުން ތިބުމާއެކު އެ ކުލަބުން މިހާރު ކީޕަރަކަށް ބިޑް ކުރުމަށްވުރެ އިސްކަންދެނީ ޓީމު ވަރުގަދަ ކުރުމަށް ފޯވާޑުންނާއި މިޑްފިލްޑަރުން ހޯދުމަށެވެ. ޑެހެޔާގެ ކޮންޓްރެކްޓް އާކުރަން ޔުނައިޓެޑް މަސައްކަތް ފެށިއިރު މި ސީޒަނުގެ ފަހުކޮޅު އޭނާގެ ކުޅުން ފެނުނީ ވަރަށް ދަށްކޮށެވެ. ނަމަވެސް ކޯޗު އޮލޭގަނާ ސޮލްޝަޔާ ހުރީ ޑެހެޔާ ދިފާއުކުރުމުގައިއެވެ. ސަބަބަކީ އޭނާ އަކި މިދިޔަ ހަތަރު ސީޒަނުގައިވެސް ޓީމުގެ އެންމެ މޮޅު ކުޅުންތެރިޔާ އަށްވުމެވެ.