ފަރިތަކުރުންތަކުގައި ހާޓްއެޓޭކް ޖެހުނު ތަޖުރިބާކާރު ކީޕަރު އިކާ ކަސިޔާސް އެނބުރި ދަނޑަށް ނިކުތުން ދުރުކަމަށް ޕޯޗުގަލްގެ ޕޯޓޯއިން ބުނެފިއެވެ.
ފަރިތަކުރުންތަކުގައި ހުއްޓައި ކުއްލިގޮތަކަށް ހިތްހުއްޓިގެން ހޮސްޕިޓަލަށް ގެންދިޔަ ކަސިޔަސްގެ ކޮންޓްރެކްޓްގައި ބާކީ އަދި އެއް އަހަރު އެބައޮތެވެ. ނަމަވެސް ޕޯޓޯއިން ބުނީ އެކުލަބުން ފުރަތަމަ ބޭނުންވަނީ 37 އަހަރުގެ ކީޕަރު ހަމަޖެހިގެން ދިރިއުޅެން ކަމަށެވެ.
ރެއާލް މެޑްރިޑަށް ގިނަ ކާމިޔާބީތަކެއް ހޯދައިން ސްޕޭނުގެ ކީޕަރު ކަސިޔަސް އަކީ 2010 ވަނަ އަހަރުގެ ވޯލްޑް ކަޕް އުފުލާލި ސްޕޭން ޓީމުގެ ކެޕްޓަނެވެ. އަދި އެ ގައުމުން ޔޫރޯ ޖެހިގެން ދެ ފަހަރު ކާމިޔާބުކުރިއިރު ވެސް ކެޕްޓަނަކީ އޭނާއެވެ.
ކަސިޔަސް އަށް ހާޓްއެޓޭކް ޖެހުމުން އޭނާ ވަގުތުން ހޮސްޕިޓަލަށް ގެންދިޔައެވެ. އަދި މިވަގުތު އޭނާގެ ހާލަތު ރަނގަޅެވެ. އޭނާ އަށް އަވަސް ޝިފާއަކަށް ލިބުމަށް އެދި ކުރީގެ ކުޅުންތެރިންނާއި ރެއާލް މެޑްރިޑުން ވެސް ވަނީ ގޮވާލައިފައެވެ.