ބޭނުންވަނީ ބާސެލޯނާގައި މަޑުކުރަން ކަމަށް ކްރޮއޭޝިޔާގެ މިޑްފީލްޑަރު އިވާން ރަކިޓީކް ބުނެފިއެވެ.
ރަކިޓިޗް މިހެން ބުނެފައިވަނީ އޭނާގެ ކޮންޓްރެކްޓް އާކުރުމުގެ ވާހަކަތައް ނުފެށި އޭނާ ކުލަބު ބަދަލްކޮށްފާނެކަމުގެ ވާހަކަތައް ފެތުރިފައިވާ ދަނޑިވަޅެއްގައެވެ. ސްޕޭނުގެ މީޑިޔާތަކުން ބުނާގޮތުގައި ބާސެލޯނާ އޮތީ މި ސީޒަނަށް ފަހު ރަކިޓީކް ވިއްކާލަން ތައްޔާރަށެވެ. ސަބަބަކީ އެ ޓީމުގައި ޒުވާން މިޑްފީލްޑަރުން ގިނަވުމެވެ.
މިހާރު 31 އަހަރުގެ މިޑްފީލްޑަރު ބޭނުންވަނީ ބާސެލޯނާއެކު މިހާރު ހަދާފައިވާ ކޮންޓްރެކްޓް 2021ގައި ހަމަވުމުން އިތުރު ތިން އަހަރަށް ކޮންޓްރެކްޓް އާކުރާށެވެ.
އޭނާ ގަތުމަށް އިނގިރޭސި ދެ ކުލަބު ކަމަށްވާ މެންޗެސްޓާ ޔުނައިޓެޑާއި ޗެލްސީން ވެސް ތިބީ ތައްޔާރަށެވެ. އަދި އިޓަލީގެ އިންޓަމިލާން ވެސް ވަނީ ރަކިޓިޗް ހޯދުމަށް ޝައުގުވެރިކަން ފާޅުކޮށްފައެވެ. ސްޕޭނުގެ މީޑިޔާތަކުން ބުނާ ގޮތުގައި 39 މިލިއަން ޕައުންޑް ހުށަހަޅާ ކޮންމެ ބަޔަކަށް ރަކިޓިކް ވިއްކާލަން ބާސެލޯނާއިން ނިންމާނެކަމަށެވެ.
އޭނާ އަށް މިހާރު މުސާރައިގެ ގޮތުގައި އެކުލަބުން ދެމުން އަންނަނީ އަހަރަކު 4.5 މިލިއަން ޕައުންޑެވެ.