ޓޮޓްނަމްގެ ދަނޑުގައި އެޓީމު 1-0އިން ބަލިކޮށް އަޔެކްސް ޗެމްޕިއަންސް ލީގުގެ ފައިނަލާ ގާތަށް ޖެހިލައިފިއެވެ.
މެޗުގެ ހަމައެކަނި ލަނޑު ޖެހީ 15 ވަނަ މިނިޓްގައި ވެންޑަބީކް. މެޗަށްފަހު ޓޮޓެންހަމުގެ ކޯޗު މައުރީސިއޯ ޕޮޗެޓިނޯ ބުނީ ފައިނަލަށް ދެވޭނެކަން އޭނާގެ ކުޅުންތެރިން ގަބޫލު ކުރަންޖެހޭ ކަމަށް. އަދި މެޗުން ބަލިވީ ފުރަތަމަ ހާފުގެ ކުޅުން ގޯސްވުމުން ކަމަށެވެ.
ޕޮޗެޓީނޯ ބުނީ ދެ ވަނަ ހާފުގައި ދެ ޓީމުގެ ފަރާތުންވެސް ފެނުނީ ވަރަށް ހަމަހަމަކުޅުމެއް ކަމަށެވެ.
އޭނާ ބުނީ ފަސް ޑިފެންޑަރުން ލައިގެން ކުޅުވީ ހެދޭނެ ގޮތްތައް މަދުވުމުން ކަމަށާއި ނަމަވެސް މެޗަށް ނުކުތްއިރު ގެނައި ބައެއް ބަދަލުތަކާމެދު އޭނާ ހިތާމަ ކުރާ ކަމަށެވެ.
ރޭގެ މެޗުގައި ޓިމްގެ އެންމެ މުހިންމު ދެ ފޯވަޑުން ކަމަށްވާ ކެޕްޓަން ހެރީކޭން އާއި ސަން ހުއެން މިންއެއް ނުކުޅެއެވެ. ޓޮޓްނަމުގެ މިޑްފީލްޑަރު ޑެލޭ އަލީ ވެސް ބުނީ މެޗު ގެއްލުނީ ފުރަތަމަ ހާފުގައި ޓީމަށް ހެދުނު ގޯސްތަކުގެ ސަބަބުންކަމަށެވެ. އަދި ދެވަނަ ލެގުގައި ނަތީޖާ އަނބުރާލަން ވަރަށް ބޮޑަށް ތައްޔާރުވާނެކަމަށް އޭނާ ބުންޏެވެ. .
މެޗަށްފަހު އަޔެކްސްގެ ކޯޗު ބުނީ ނަތީޖާގެ ފަރަގު ބޮޑު ކުރަން ހުސްފުރުސަތުތައްވެސް ލިބުނުކަމަށާއި، އަމިއްލަ ދަނޑުގައި ދެވަނަ ލެގު ކުޅެން އޮތުމުން އެއީ ލިބޭ ބޮޑު ހިތްހަމަޖެހުމެއްކަމަށެވެ.