މުއްދަތު ހަމަނުވާ ވަރަކް ޕާމިޓް ނުވަތަ ވިސާ ނެތި ކަނޑުމަގުން އެއް ރަށުން އަނެއް ރަށަށް ބިދޭސީން ގެންދާ ފަރާތްތަކާއި މެދު ފިޔަވަޅު އެޅުމަށް ޓްރާންސްޕޯޓް އޮތޯރިޓީން ނިންމައިފިއެވެ.ޓްރާންސްޕޯޓް އޮތޯރިޓީން ބުނީ، ރާއްޖޭގައި ބިދޭސީން ކަނޑުމަގުން އެއްރަށުން އަނެއް ރަށަށް ގެންދަންވާނީ، މުއްދަތު ހަމަނުވާ ވަރކް ޕާމިޓް ނުވަތަ ވިސާ އޮތަކަން އުޅަނދުގެ ނެވި މީހާ ނުވަތަ ޑްރައިވަރު ޔަޤީންކުރުމަށްފަހު ކަމަށެވެ. އަދި މާދަމާއިން ފެށިގެން ކަނޑުގައި ދުއްވާ އުޅަނދު ފަހަރުގައި ބިދޭސީން މިއުސޫލާއި ޚިލާފަށް އުފަލަމުންދާނަމަ، ދިވެހިރާއްޖޭގެ ކަނޑުގެ ސަރަޙައްދުގައި ދަތުރުކުރުމާއި ކަނޑު ދަތުރުކުރާ އުޅަނދު ފަހަރާއި ބެހޭ ޤަވާއިދުގެ ދަށުން ފިޔަވަޅު އަޅާނެ ކަމަށް ބުނެއެވެ.އެގޮތުން އުޅަނދުގެ ވެރި ފަރާތް އެއްހާސް ރުފިޔާއިން ޖޫރިމަނާކުރުމާއެކު އުޅަނދު ދުއްވި ފަރާތް އެއްހާސް ރުފިޔާއިން ޖޫރިމަނާކޮށް އުޅަނދު ދުއްވި ފަރާތުގެ ލައިސަންސް ފޮތުގައި ކުރި ކުށް އެންޑޯޒްކުރެވޭނެ ކަމަށް ޓްރާންސްޕޯޓް އޮތޯރިޓީން މައުލޫމާތު ދެއެވެ. އަދި މިކަން ތަންފީޒުކުރުމަށް ފުލުހުންނާއި، ޑިޕާރޓްމަންޓް އޮފް އިމިގްރޭޝަން އަދި އެމިގްރޭޝަނާއި ރަށްރަށުގެ ކައުންސިލްތަކުން ހަރަކާތްތެރިވަމުންދާނެ ކަމަށްވެސް އެއޮތޯރިޓީން މައުލޫމާތު ދެއްވައެވެ.