ޕެންޝަނާ މެދު އާންމު ރައްޔިތުން ޙޭލުންތެރިވެފައިވާ މިންވަރު ދެނެގަތުމަށްޓަކައި ޚާއްސަ ޓެލެފޯން ސާރވޭއެއް ކުރުމަށް ހަމަޖެހިފައިވާ ކަމަށް މޯލްޑިވްސް ޕެންޝަން އެޑްމިނިސްޓްރޭޝަން އޮފީހުން ހާމޮށްފިއެވެ.ރާއްޖޭގެ ހުރިހާ ސަރަޙައްދެއް ހިމެނޭ ގޮތަށް މިސާރވޭ ކުރުމަށް ހަމަޖެހިފައިވަނީ މިމަހުގެ ދެވަނަ ހަފްތާއިން ފެށިގެން މިމަހުގެ ތިރީހުގެ ނިޔަލަށެވެ.ސާރވޭ ކުރިއަށްދާ މުއްދަތުގައި މާލެއާއި އަތޮޅު ތެރޭގައި ދިރިއުޅޭ ފަރާތްތަކަށް ފޯނުން ގުޅާ، ޕެންޝަނާ ގުޅޭ ގޮތުން އެފަރާތްތަކުގެ ޚިޔާލު ހޯދާނެ ކަމަށް ޕެންޝަން އޮފީހުން މައުލޫމާތު ދެއެވެ.ވޯރލްޑް ބޭންކުގެ އެހީގައި ކުރިއަށްދާ މިސާރވޭގައި އެއްކުރެވޭ މައުލޫމާތުގެ އެހީގައި ރާއްޖޭގައި މިހާރު ޤާއިމްކުރެވިފައިވާ ރިޓަޔަރމަންޓް ޕެންޝަން ސްކީމާއި، އެހެނިހެން ޕެންޝަން ސްކީމްތަކުގެ އިތުރުން ރިޓަޔަރމަންޓާއި ގުޅޭ ގޮތުން އާންމުން ދެކޭ ގޮތް ދެނެގަތުމާއި އެފަރާތްތަކަށް ދެވޭ ޚިދުމަތުގެ ފެންވަރު ރަނގަޅުކުރުމަށްޓަކައި ކުރަންޖެހޭ ކަންކަން ފާހަގަކުރެ ވިގެންދާނެ ކަމަށް ޕެންޝަން އޮފީހުން މައުލޫމާތު ދެއެވެ.