ހަށިގަނޑުން ނަގާ ތަފާތު ސާމްޕަލްތައް ތަޙްލީލްކުރާ ފޮރެންސިކް ޚިދުމަތް އަތޮޅު ތެރޭގެ ދެ ސަރަހައްދެއްގައި ވަރަށް އަވަހަށް ފަށާނެކަމަށް ފުލުހުން ހާމަކޮށްފި.މިއަދު އިސްކަންދަރު ކޮށީގައި ނޫސްވެރިންނާ ބައްދަލުކުރައްވައި، އިންސްޕެކްޓަރ އޮފް ޕޮލިސް އައިމިނަތް ސުޒީ ވިދާޅުވީ، ފޮރެންސިކް ޚިދުމަތް ދޭން ނިންމާފައިވާ ދެ ސަރަހައްދަކީ ތިލަދުންމަތީ ދެކުނުބުރީ ކުޅުދުއްފިށްޓާއި، އައްޑޫ ސިޓީކަމަށެވެ.އޭނާ ވިދާޅުވީ، ކުޅުދުއްފުށި އަދި އައްޑޫ ސިޓީގައި ސީން އޮފް ކްރައިމް އޮފިސަރުންގެ ޚިދުމަތާއި، ފިންގަރޕްރިންޓް ކޮމްޕެއަރ ކުރުމުގެ ޚިދުމަތާއި، ކޮމްޕިއުޓަ ފޮރެންސިކް އަދި މޮބައިލް ފޮރެންސިކްގެ ޚިދުމަތާއި ބޮޑީފުލުއިޑް މަސްތުވާތަކެއްޗައް ޓެސްޓްކުރުމުގެ ޚިދުމަތާއި އެލްކޮހޯލް ޓެސްޓިންގެ ޚިދްމަތް ދިނުމަށް ރޭވިފައިވާކަމަށެވެ. އެގޮތުން ބޮޑީފުލުއިޑް ނުވަތަ ހަށިގަނޑުން ނެގޭ ސާމްޕަލް ތަޙުލީލު ކުރުމާ މަސްތުވާތަކެއްޗައް ޓެސްޓްކުރުމުގެ ޚިދުމަތާއި އަދި އެލްކޮހޯލް ނުވަތަ ބަނގުރަލަށް ޓެސްޓް އަދި މޮބައިލް ފޮރެންސިކްގެ ޚިދުމަތަކީ މުޅިން އަލަށް ދެވޭ ޚިދްމަތެއްކަމަށް ސުޒީ ވިދާޅުވިއެވެ.މި ޚިދުމަތްތައް ހދ. ކުޅުދުއްފުށީގައި މިމަހުގެ 15 ވަނަ ދުވަހު ފަށާނެކަމަށްވެސް ވިދާޅުވިއެވެ.ބަނގުރާ ކަމަށް ތުހުމަތު ކުރެވޭ ސާމްޕަލްތައް ތަހްލީލް ކުރުމުގެ ޚިދުމަތް އައްޑޫ ސިޓީގައި މިއަހަރު ތެރޭގައި ގާއިމްކުރެވޭނެކަމަށް ސުޒީ ވިދާޅުވިއެވެ.