ޕެސްޓިސައިޑްގެ ބިލް ނުވަތަ ބޭރުން ގެންނަ ގަސްކާނާ ބޭނުންކުރަންޖެހޭ ގޮތާއި، ލައިސަންސް ދިނުމާއި، އެފަދަ ބޭސް ކޮންޓްރޯލްކުރާނެ ބިލްގެ ޑްރާފްޓް ކުރުމުގެ މަސައްކަތް ކުރަމުންދާކަމަށް ދަނޑުވެރިކަމާއި ބެހޭ ވުޒާރާއިން ހާމަކޮށްފިއެވެ.އެމްބީސީގެ ރާއްޖެ މިއަދު ޕްރޮގްރާމްގައި ވާހަކަ ދައްކަމުން މިނިސްޓްރީ އޮފް ފިޝަރީޒް އެންޑް އެގްރިކަލްޗަރގެ ޑިރެކްޓަރ ފާތިމަތު އަރޫޝާ ވިދާޅުވީ، ރާއްޖެ އެތެރެކުރެވޭ ގަސް ކާނާ ނުވަތަ އެފަދަ ބޭހާއި ކެމިކަލް ކޮންޓްރޯލްކޮށް މިނިސްޓްރީގައި ރަޖިސްޓްރީކުރުމަށްފަހު ލައިސަންސް ދޫކޮށްގެން ބޭނުންކުރެވޭނެ ގޮތަށް ކަނޑައެޅުމަށް ބިލެއް ތައްޔާރުކުރުމުގެ މަސައްކަތް މިނިސްޓްރީން ކުރަމުން އަންނަކަމަށެވެ.އަރޫޝާ ވިދާޅުވީ، ބޭރުން އެތެރެކުރެވޭ ގަހަށް ޖަހާ ތަފާތު ކެމިކަލްސްތަކާއި، ބޭސް ބޭނުންކޮށްގެން ގޮވާން ކަނޑަންނުޖެހޭ މުއްދަތުގެ ކުރިން ގޮވާން ކެނޑުމުން މައްސަލަތަކެއް ނިކުންނަކަމަށެވެ. އެފަދަ ކެމިކަލް ބޭނުންކުރުމުގައި ރައްކާތެރި ވުމުގެ ގޮތުން އަޅަންޖެހޭ ފޔަވަޅުތަށް ނޭޅުމާއި، އެފަދަ ތަކެތި ކެއުމުން ތަފާތް ސިއްހީ މައްސަލަތަށް ނިކުންނަކަން ފާހަގަކުރެވިފައިވާކަމަށް އޭނާ ވިދާޅުވިއެވެ. އެގޮތުން ކުރު މުއްދަތުގައިދިމާވާ މައްސަލަ ތަކުގެ ތެރޭގައި ހޮޑުލެވުމާއި، ބޭރައް ހިންގުންފާހަގަ ކުރެވިގފައިވާއިރު، ދިގު މުއްދަތުންޖެހޭ ބަލިތަކުގެ ތެރޭގައި ހިތުގެ މައްސަލަތަކާއި، ކެނސަރު ބަލިފަދަ ބަލިތަށް ދިމާވަމުން އަންނަކަމަށް އަރޫޝާ ވިދާޅުވިއެވެ. އަދި ރާއްޖެއިންވެސް ކޮންމެވެސް ވަރަކަށް މިފަދަ މައްސަލަތައް ފާހަގަކުރެވެމުންދާކަމަށް އޭނާ ވިދާޅުވިއެވެ.އެގްރިކަލްޗަރ މިނިސްޓްރީގެ ޑެޕިއުޓީ ޑިރެކްޓަރ ޖެނެރަލ އާދަމް މަނިކް ވިދާޅުވީ، ކާން ބޭނުންކުރާ މަހަކީވެސް ރައްކާތެރި އެއްޗެއްކަން ކަށަވަރުވާން ޖެހޭކަމަށެވެ.އެގޮތުން މަސް ބޭނުމަށްފަހު ގިނަ އިރު ނުކޮށް ފިނިކުރާ މަހަކީ ތާޒާ މަސްކަމަށާއި، ގިނަ އިރުވުމަށް ފަހު ފިނިކުރާ މަހުގެ ސަބަބުން މައްސަލަތަށް ނުކުންނަކަމަށް. އެގޮތުން ރާއްޖެއަކީ ހޫނު ގަދަ ގައުމަކަށް ވުމުން މަސް ހަލާކުވުން ނުވަތަ އަވަހަށް ނުބައި ވާއިރު، އެފަދަ ކަންތަށް ދެނެގަތުން މުހިންމުކަމަށް އާދަމް މަނުކް ވިދާޅުވިއެވެ.ރޭގެ ރާއްޖެ މިއަދުގައި ވާހަކަ ދައްކަމުން މޯލްޑިވސް ފުޑް އެންޑް ޑްރަގް އޮތޯރިޓީގެ ސީނިއަރ ސައެންޓިފިކް އޮފިސަރ ސާޖިދާ މުހައްމަދު ވިދާޅުވީ، ރާއްޖެއަކީ ނުވަދިހަ ފަހެއް އިންސައްތަ ކާބޯ ތަކެތި އެތެރެކުރެވޭ ގައުމަކަށް ވާއިރު، ކާބާތަކެތިން އުފަންވާ މާބޮޑެތި މައްސަލަކެއް މިހާތަނަށް ދިމާވެފައި ނުވާކަމަށެވެ. ނަމަވެސް އެނާޖީ ބުއިންތައް ރާއްޖޭގައި އާދަޔާ ޚިލާފަށް އިތުރުވެފައިވާކަން ސާޖިދާ ފާހަގަކުރެއްވިއެވެ.ސާޖިދާ ވިދާޅުވީ، އެނާޖީ ބުއިންތައް ބޭނުންކުރާ ފަރާތްތަށް އިންތިހާއަށް އިތުރުވެފައިވާއިރު، އެކަމުގެ ސަބަބުން އެވަގުތު އެނާޖީ އިތުރުކޮށްދިންނަމަވެސް، ލޭގެ ޕްރެސަރު ދައްވުމާއި، ޑީހައިޑްރޭޓް ވުމާއި، ބޭރަށް ހިންގުން ދިމާވާނެކަމަށެވެ.ރާއްޖޭގައި ދަނޑުވެރިކަން ކުރާ ފަރާތްތަށް އިތުރު ވެފައިވާއރު، އޯގާނިކް ނުވަތަ ތައްޔާރީ ގަސްކާނާގެ ބާވަތްތައް ބޭނުންކުރުމަށް އެގްރިކަލްޗަރ މިނިސްޓްރީން އިލްތިމާސްކުރެއެވެ.