ޗެމްޕިއަންސް ލީގަށް ތައްޔާރުވުމަށް ޔުވެންޓަސްއިން ޓީމުގެ މުހިންމު ކުޅުންތެރިންނަށް އަރާމު ކުރަން ވަގުތުދޭން ނިންމައިފިއެވެ.
ފައިތުވެދިޔަ ހަތް އަހަރުގެ އިޓާލިއަން ލީގުގެ ޗެމްޕިއަން ޓީމުން މި ގޮތަށް ނިންމީ މި ސީޒަނުގައި މިހާރު 15 ޕޮއިންޓްގެ ލީޑަކާއެކު އެއްވަނާގައި އޮތުމުންނެވެ.
މިހެންވެ ސީނިއާ ކުޅުންތެރިންނަށް ހާއްސަ ތަމްރީނުތަކަކާއެކު އަރާމު ކުރަން ގިނަ ވަގުތުދޭންވަނީ ނިންމާފައެވެ. މި ގޮތުން އެންމެ ހާއްސަކަމެއް ދޭން ނިންމާފައިވާ ކުޅުންތެރިއަކީ އުމުރުން 34 އަހަރުގެ ކްރިސްޓިއާނޯ ރޮނާލްޑޯއަށެވެ.
މިސީޒަނުގައި ޔުވެންޓަސް އަށް ބަދަލުވި ޕޯޗުގަލްގެ ކެޕްޓަނަކީ މިދިޔަ ތިން އަހަރު ރެއާލް މެޑްރިޑަށް ޗެމްޕިއަންސް ލީގު ކާމިޔާބުކޮށްދިނުމުގައި އެންމެ މުހިންމު ދައުރެއް އަދާކުރި ކުޅުންތެރިޔާއެވެ.
އޭނާގެ އިތުރުން ކެޕްޓަން ޖިއޯޖިއޯ ކިއެލީނީ، ޖާއޯ ކޮންސެލޯ، މިރެލަމް ޕިޔަނިކްއާއި ލޮއޮނާޑޯ ބޮނޫޗީއަކީ ކޯޗު އަރާމުކުރަން ފުރުސަތުދޭން ބޭނުންވާ ކުޅުންތެރިންނެވެ.