ރެއާލް މެޑްރިޑުގެ ދަނޑުގައި ލުއިސް ސުއަރޭޒް ޖެހި ދެ ގޯލާއެކު 3-0އިން އެ ޓީމުން ބަލިކޮށް ބާސެލޯނާ ކޮޕާ ޑެލްރޭ ފުޓްބޯޅަ މުބާރާތުގެ ފައިނަލަށް ދަތުރުކޮށްފިއެވެ.
މެޗުގެ ބޮޑުބައިގައި ރެއާލް މޮޅަށް ކުޅެ ގިނަ ހަމަލާތައް އުފެއްދި މެޗުގައި ބާސެލޯނާ އަށް ލީޑް ލިބުނީ ފަހު ހާފުގައި ސުއަރޭޒް ޖެހި ގޯލުންނެވެ. އަދި ލިބުނު ޕެނަލްޓީ އަކުން އޭނާ ތިން ވަނަ ލަނޑު ޖެހުމުގެ ކުރިން ނަތީޖާ އެނބުރިގެންދިޔައީ އޮސްމާނޭ ޑެމްބޭލޭ ނެގި ހުރަހެއް ރަފައެލް ވަރާން އަތުން ބައިކޮޅަށް ވަނުމުންނެވެ.
މި މޮޅާއެކު ބާސެލޯނާ ފައިނަލަށް ދަތުރުކުރިއިރު މިއީ އެ ޓީމު ޖެހިޖެހިގެން ފައިނަލަށް ދަތުރުކުރި ހަ ވަނަ ފަހަރެވެ. އަދި އެންމެ ފަހުގެ ހަތަރު އަހަރުގެ ޗެމްޕިއަނުންނަކީ ވެސް ބާސެލޯނާއެވެ. ރޭގެ މޮޅާއެކު ބާސެލޯނާ އާއި ރެއާލް މެޑްރިޑްގެ ވާދަވެރި ކުރިމަތިލުންތައް ވަނީ އެއްވަރުވެފައެވެ. ސްޕޭނުގެ އެންމެ ވާދަވެރި ދެ ކުލަބު ކުޅެގެން މިހާތަނަށް ކޮންމެ ބަޔަކު ވެސް މޮޅުވެފައިވަނީ 95 ފަހަރުއެވެ.