ސްރީލަންކާގެ ބަންޑާރަނަޔަކަ އިންޓަނޭޝަނަލް އެއަރޕޯޓު ޑްރޯން އަރުވައިގެން ވީޑިއޯ ކުރި މައްސަލައިގައި ހައްޔަރުކުރު ހަތަރު ދިވެހިން ދޫކޮށްލައިފިއެވެ.
ޑްރޯން އަރުވައިގެން ވީޑިއޯކޮށްގެން ހައްޔަރުކުރީ ޢުމުރަކީ 19 އަހަރާއި 23 އަހަރާއި ދެމެދު ދިވެހިންތަކެކެވެ. އެ މީހުންގެ ތެރޭގައި ހިމެނެނީ ތިން ފިރިހެނުންނާއި އެއް އަންހެނެކެވެ. އެމީހުންގެ މައްޗަށް ދައުވާނުކޮށް ދޫކޮށްލާފައިވަނީ ރޭގެ ވަގުތެއްގައެވެ.
އެ ހަތަރު ދިވެހިން ދޫކޮށްލީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި، ލަންކާގައި ހުންނަ ރާއްޖޭގެ އެމްބަސީއައި ލަޔަން ސިޓީގެ ސްޓޫޑަންޓް ކޮމިޓީން ކުރި މަސައްކަތުންކަމަށް މަޢޫލޫމާތުލިބެއެވެ.
ހަތަރު ދިވެހިން ލަންކާ ފުލުހުން ހައްޔަރުކޮށްފައިވަނީ ލަންކާގެ ބަންޑާރަނަޔަކަ އިންޓަރނޭޝަނަލް އެއަރޕޯޓުގެ ހައި ސެކިއުރިޓީ ޒޯނެއް ވީޑިއޯ ކުރަނިކޮށެވެ. ލަންކާ ފުލުހުން ބުނީ އެ ހަތަރު މީހުން ހައްޔަރުކުރީ ހުއްދަ ނުނަގާ ވީޑިއޯ ކުރުމުގެ ސަބަބުން ކަމަށެވެ.