ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ޔުނައިޓެޑް ޢަރަބް އެމިރޭޓްސް، ޔޫއޭއީގެ ނާއިބު ރައީސް އަދި ދުބާއީގެ ވެރިޔާ، ޝައިޚް މުޙައްމަދު ބިން ރާޝިދު އަލް މަޚްތޫމާ ބައްދަލުކުރައްވައިފިއެވެ.
ރައީސުލްޖުމްހޫރިއްޔާ މިހާރު ޔޫއޭއީއަށް ކުރައްވަމުން ގެންދަވާ ދަތުރުފުޅުގައި ޔޫއޭއީގެ ނާއިބު ރައީސާއި ބައްދަލުކުރައްވައި، ދެޤައުމު ގުޅިގެން މަސައްކަތްކުރުމާ ގުޅޭ ގޮތުން ވަނީ މަޝްވަރާކުރައްވާފައެވެ. ޚާއްސަކޮށް މިހާރަށްވުރެ އިތުރު ދާއިރާތަކުން ދެޤައުމުގެ ގުޅުން ބަދަހިކުރުމުގައި ދެޤައުމުގެ ޝަޢުޤުވެރިކަން ދެބޭފުޅުން ވަނީ ފާޅުކުރައްވާފައެވެ. ރައީސުލްޖުމްހޫރިއްޔާ ޔޫއޭއީއަށް މިހާރު ކުރައްވަމުން ގެންދަވާ ދަތުރުފުޅުގައި ވަނީ، ދެޤައުމު ގުޅިގެ މަސައްކަތްކުރުމަށް އެއްބަސްވުންތަކެއްގައި ސޮއިކުރައްވާފައެވެ.
ރައީސުލްޖުމްހޫރިއްޔާގެ މިދަތުރުފުޅަކީ ޔޫ.އޭ.އީގެ ވަލީއަޙްދު އަދި ޑެޕިއުޓީ ސުޕްރީމް ކޮމާންޑަރ އޮފް އާމްޑް ފޯސަސް، މުޙައްމަދު ބިން ޒައިދު އަލް ނަޙްޔާންގެ ދަޢުވަތަކަށް، "ޒައިދު ސަސްޓެއިނަބިލިޓީ އެވޯޑްސް" އަދި "އިނޯގްރޭޝަން އޮފް ދަ އަބޫދާބީ ސަސްޓެއިނަބިލިޓީ ވީކް" ޙަފްލާގައި ބައިވެރިވެވަޑައިގަތުމަށްޓަކައި ކުރަށްވަމުންގެންދަވާ ދަތުރުފުޅެކެވެ.