ކޮންޓްރޯލަރ ޖެނެރަލް އޮފް އިމިގްރޭޝަންގެ މަޤާމަށް މ.ސުހްރާ މުޙައްމަދު އަޙްމަދު ޙުސައިން (ހަނަފީ) ރައީސުލްޖުމްހޫރިއްޔާ މިއަދު ޢައްޔަނުކުރައްވައިފިއެވެ.
މި މަޤާމަށް މުޙައްމަދު އަޙްމަދު ޙުސައިން ޢައްޔަނުކުރައްވާ މަޤާމުގެ ފަތްކޮޅު އެެރުވީ މިއަދު މެންދުރު ރައީސުލްޖުމްހޫރިއްޔާގެ އޮފީހުގައި ބޭއްވި ރަސްމިއްޔާތެއްގައެވެ. އިމިގްރޭޝަން ކޮންޓްރޯލަރގެ މަޤާމަށް އައު ބޭފުޅަކު ޢައްޔަނުކުރައްވާފައި މިވަނީ އެ މަޤާމުގައި ހުންނެވި ކުރިން މުޙައްމަދު އަންވަރު އެ މަޤާމުން އިސްތިއުފާދެއްވުމާއި ގުޅިގެންނެވެ.
ޖުމްހޫރީ ޕާޓީގެ މެންބަރެއްގެ ގޮތުގައި ހުންނެވި މުޙައްމަދު އަޙްމަދު ޙުސައިން ވަނީ ޕަބްލިކް ސަރވިސް މީޑިއާ (ޕީއެސްއެމް)ގެ ޑައިރެކްޓަރ އޮފް ސޭލްސްގެ މަޤާމު އަދާކުރައްވާފައެވެ.
މުޙައްމަދު އަޙްމަދު ޙުސައިން ކޮންޓްރޯލަރ ޖެނެރަލް އޮފް އިމިގްރޭޝަންގެ މަޤާމަށް އައްޔަންކުރައްވާފައިވަނީ ސްޓޭޓް މިނިސްޓަރު ފެންވަރުގައެވެ.