ކުރެއްދޫ އައިލެންޑް ރިސޯޓުގައި ހިނގި އަލިފާނުގެ ހާދިސާ / ފޮޓޯ: އެމްއެންޑީއެފް
ކުރެއްދޫ އައިލެންޑް ރިސޯޓުގައި ހިނގި އަލިފާނުގެ ހާދިސާ / ފޮޓޯ: އެމްއެންޑީއެފް
ޅ. އަތޮޅުގައި ހިންގަމުންދާ ކުރެއްދޫ އައިލެންޑް ރިސޯޓުގައި އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއް ވެއްޖެއެވެ.
މި ހާދިސާ ހިނގާފައިވަނީ، ރޭ ދަންވަރު 12:48 އެހާކަންހާއިރު އެ ރިސޯޓްގެ ގިފްޓް ޝޮޕް ގުދަނުގައިކަމަށް އެމްއެންޑީއެފުން މައުލޫމާތުދެއެވެ. މި ހާދިސާގެ މައުލޫމާތު އެމްއެންޑީއެފް ފަޔަރ އެންޑް ރެސްކިއު ސަރވިސްއަށް ލިބުމާއެކު އަލިފާންގަޑު ކޮންޓްރޯލްކުރުމުގެ މަސައްކަތް ފެށިކަމަށާއި، ރޯވި އަލިފާން އެއްކޮށް ކޮންޓްރޯލް ކުރެވިފައިވަނީ ރޭ ފަތިހު 4 ޖަހާއެހާކަންހާއިރުކަމަށް އެމްއެންޑީއެފުން ބުނެއެވެ.
މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާއިރު އަލިފާން ރޯވި ގުދަނާއި ގުދަނުގައި ހުރި މުދަލަށް ވަނީ ވަރަށް ބޮޑެތި ގެއްލުންތައް ލިބިފައެވެ. މި ޙާދިސާ ހިނގަން މެދުވެރިވި ސަބަބުން އަދި ހާމަކޮށްފައެއް ނުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ