ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު، 3 ޤައުމަކަށް ސަފީރުން ޢައްޔަންކުރައްވައިފިއެވެ.
ރައީސުލްޖުމްހޫރިއްޔާ ސަފީރުން އައްޔަނުކުރައްވާފައިވަނީ ތައިލެންޑާއި ޗައިނާ އަދި ސަޢުދީ ޢަރަބިއްޔާއަށެވެ. ތައިލެންޑަށް ދިވެހިރާއްޖެއިން ކަނޑައަޅާފައި ހުންނަވާ ސަފީރުކަމަށް އައްޔަނުކުރައްވާފައިވަނީ މއ. ތިބްރޯޒް، މުޙައްމަދު ޖިނާޙްއެވެ. ސައުދީ އަރަބިއްޔާއަށް ދިވެހިރާއްޖެއިން ކަނޑައަޅާފައި ހުންނަވާ ސަފީރުކަމަށް އައްޔަނުކުރައްވާފައިވަނީ ގ. އުތުރުގެއާގެ، މުޙައްމަދު ޚަލީލްއެވެ. އަދި ޗައިނާއަށް ދިވެހިރާއްޖެއިން ކަނޑައަޅާފައި ހުންނަވާ ސަފީރުކަމަށް އައްޔަނުކުރައްވާފައިވަނީ މ.ބީނާފުށި ޢާއިޝަތު ޢަޒީމާއެވެ.
ރައީސް އޮފީހުން ބުނީ ސަފީރުކަމަށް އައްޔަނުކުރެއްވި 3 ބޭފުޅުންގެ ނަންފުޅު ރައްޔިތުންގެ މަޖިލީހަށް ފޮނުވާފައިވާކަމަށެވެ. މީގެކުރިން ބެލްޖިއަމް، އިންޑިއާ، ސިންގަޕޫރު، ޖަރުމަނުވިލާތް، އިނގިރޭސިވިލާތް، އެމެރިކާ އަދި މެލޭޝިޔާއަށް ސަފީރުން ވަނީ އައްޔަނުކުރައްވާފައެވެ.