ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މާލެ އަތޮޅު ދިއްފުށީގެ، ސަރުކާރުގެ މުއައްސަސާތަކަށް ޒިޔާރަތްކުރައްވައިފިއެވެ.
ރައީސް ސާލިޙް، ރައީސުލްޖުމްހޫރިއްޔާކަމާ ހަވާލުވެވަޑައިގަތުމަށްފަހު އެންމެ ފުރަތަމަ ކުރެއްވި މި ދަތުރުފުޅުގައި ދިއްފުށްޓަށް ވަޑައިގެން ވަނީ އެރަށުގައި ޤާއިމްކޮށްފައިވާ ސަރުކާރުގެ ބައެއް މުއައްސަސާތަކަށް ޒިޔާރަތްކުރައްވާ އެތަންތަނުގެ ހާލަތު ބައްލަވާލައްވާފައެވެ.
އެގޮތުން ރައީސް ވަނީ ދިއްފުށީ ސިއްޙީ މަރުކަޒަށާއި، ކައުންސިލް އިދާރާއަށާއި، އެރަށު ސްކޫލަށް ވަޑައިގެން އެތަންތަނުގެ އިސް މެނޭޖުމަންޓާއި، މުވައްޒަފުންނާ ބައްދަލުކުރައްވާ މަޢުލޫމާތު އޮޅުންފިލުއްވާފައެވެ. އަދި އެތަންތަނުންދޭ ޚިދުމަތްތައް ރައްޔިތުންނާއި ވީހާވެސް ގާތުން އަވަހަށް ދެވޭނެ ގޮތްތަކާ ގުޅޭގޮތުން ވެސް ރައީސްވަނީ މަޝްވަރާކުރައްވާ މަޢުލޫމާތު ބަދަލުކުރައްވާފައެވެ.