ސޯސަން ފިހާރައިގެ އައު ފިހާރައެއް ހުޅުމާލޭގައި ހުޅުވައިފިއެވެ. ބުރާސްފަހި ދުވަހުގެ ހަވީރު މިފިހާރަ ހުޅުވައިދެއްވީ ފޯރ ވެޑިންގ ސަރވިސްގެ މެނޭޖިންގ ޑިރެކްޓަރ އަޙްމަދު ޞާލިހްއެވެ.
ސޯސަން ފިހާރައިގެ ސޭލްސް އެންޑް މާކެޓިންގ މެނޭޖަރ މުޙައްމަދު ރަޝީދު ވިދާޅުވީ، މިއީ ހުޅުމާލޭގައި އުޅޭ ފަރާތްތަކަށް ސޯސަން ފިހާރައިން ވިއްކާ ތަކެތި ހެޔޮއަގެއްގައި ފަސޭހަކަމާއިއެކު ލިބޭނެ އިންތިޒާމް ހަމަޖެއްސުމުގެ ގޮތުން ހުޅުވި ފިހާރައެއްކަމަށެވެ. މި ފިހާރައިން ހޯލްސޭލް އަދި ރީޓެލް ކޮށްވެސް މުދާ ލިބޭނެކަން މުޙައްމަދު ރަޝީދު ފާހަގަކުރެއްވިއެވެ.
"ސޯސަންއަކީ ރާއްޖެއަށް ހަމަ ވަރުގަދަ ޑިސްޓްރިބިއުޓްކުރާ ބަޔަކަށްވާތީވެ މި ޕްރޮޑަކްޓްތައް ހުޅުމާލެއިން ލިބޭގޮތް ހެދުން އަސްލުގަ މަޤްސަދަކީ ހަމަ މާލެއިން ލިބޭ އަގުގައި."
މުޙައްމަދު ރަޝީދު ވިދާޅުވިއެވެ.
މި ފިހާރަ ހުޅުވުމާއިއެކު ސޯސަން ފިހާރައިން ހިންގާ ފިހާރަތަކުގެ ޢަދަދު 3އަށް އިތުރުވީއެވެ. ސޯސަން ފިހާރައިން އަންނަނީ މާލޭގައި ރީޓެއިލް ފިހާރައަކާއި ހޯލްސޭލް ފިހާރައެއްވެސް ހިންގަމުންނެވެ. އަދި ރާއްޖޭގެ އާބާދީ ބޮޑެތި ރަށްތަކުގައި އެ ކުންފުނީގެ ސަބް ޑިސްޓްރިބިއުޓަރ ހުންނާނެކަމަށް ސޯސަން ފިހާރައިން ބުނެއެވެ.
ސޯސަން ފިހާރައިން ރާއްޖޭގެ ބާޒާރަށް ތަޢާރަފްކުރި އާންމުންގެ މަޤްބޫލްކަން ލިބިފައިވާ ބައެއް އުފެއްދުންތަކުގެ ތެރޭގައި ފަސްކުއަލް ޔޯގަޓް، ޕްރޮމިނާ، އަދި ގުޑްނައިޓް ފަދަ އުފެއްދުންތައް ހިމެނެއެވެ. ހުޅުމާލޭގައި ހުޅުވި ސޯސަން ފިހާރައިގެ އައު ފިހާރަ ހުންނަނީ އަހިގަސް މަގުގައެވެ.