ދިވެހިރާއްޖޭގެ ޙިއްސާގެ ބާޒާރުގެ އެންމެ ފަހުގެ މަޢުލޫމާތު ފޯރުކޮށްދޭ މޮބައިލް އެޕްލިކޭޝަނެއް ކެޕިޓަލް މާކެޓް ޑިވެލޮޕްމަންޓް އޮޓޯރިޓީން ތަޢާރަފްކޮށްފިއެވެ.
ސީ.އެމް.ޑީ.އޭއިން ބުނީ "ވިޔަވަތި" ނަމުގައި ތަޢާރަފްކުރި މޮބައިލް އެޕްލިކޭޝަން މެދުވެރިކޮށް ރާއްޖޭގެ ޙިއްސާގެ ބާޒާރުގެ އެންމެ ފަހުގެ މައުލޫމާތު ލިބޭނެކަމަށެވެ. މީގެތެރޭގައި ކުންފުނިތަކުގެ އަހަރީ ރިޕޯޓްތަކާއި ކުއަރޓާ ރިޕޯޓްތަކުގެ އިތުރުން މާލީ ބަޔާންތައްވެސް ފަސޭހަކަމާއެކު ބަލާލެވޭނެކަމަށެވެ.
ސީ.އެމް.ޑީ.އޭއިން ބުނީ މި އެޕްލިކޭޝަން މެދުވެރިކޮށް ސްޓޮކް އެކްސްޗޭންޖާއި ބެހޭގޮތުން މީހުންގެ އާންމު މައުލޫމާތުވެސް މުއްސަނދިކުރެވޭނެކަމަށެވެ. އެގޮތުން މި އެޕްލިކޭޝަންގައި ރާއްޖޭގެ ސްޓޮކް އެކްސްޗޭންޖުގެ މިހާރުގެ ހާލަތުގެ މައްޗަށް ބިނާކޮށް އާންމު މައުލޫމާތު މުއްސަނދިވާފަދަ ތަފާތު ކުއިއްޒުތައް ހިމަނާފައިވާނެކަމަށް ސީ.އެމް.ޑީ.އޭއިން ބުނެއެވެ.
ސީ.އެމް.ޑީ.އޭއިން ބުނީ މި އެޕްލިކޭޝަން ގޫގުލް ޕްލޭ ސްޓޯރ އަދި އެޕް ސްޓޯއިން ޑައުންލޯޑްކުރެވޭނެއެވެ.