"ދޮވެމި ޝޮޕް އެންޑް ވިން ޕްރޮމޯޝަން"ގެ ފުރަތަމަ ނަސީބުވެރިޔާ ހޮވައިފިއެވެ.
ވެލާނާ އިންޓަރނޭޝަނަލް އެއަރޕޯޓުގައި މޯލްޑިވްސް އެއަރޕޯޓްސް ކޮމްޕެނީ ލިމިޓެޑް، އެމް.އޭ.ސީ.އެލުން ހިންގާ "ދޮވެމި އެރައިވަލް ޝޮޕް" އިން ކުރިއަށްގެންދާ "ދޮވެމި ޝޮޕް އެންޑް ވިން ޕްރޮމޯޝަން"ގެ ފުރަތަމަ ނަސީބުވެރިޔާ ހޮވާފައިވަނީ އެކަމަށްޓަކާ އެ ފިހާރައިގައި ކުރިއަށްގެންދިޔަ ޚާއްޞަ ލަކީ ޑްރޯއެއްގައެވެ.
3 މަސް ދުވަހުގެ މުއްދަތަކަށް ކުރިއަށްގެންދާ މި ޕްރޮމޯޝަންގެ ފުރަތަމަ ނަސީބުވެރިޔަކަށް ހޮވިފައިވަނީ އަޙްމަދު ރާއިޒެވެ. އޭނާއަށް އިނާމެއްގެ ގޮތުގައި ތައިލެންޑްގެ ބެންކޮކަށް 2 މީހަކަށް ދިއުމުގެ ދެކޮޅު ޓިކެޓް ވަނީ ދީފައެވެ.
ދޮވެމި ޝޮޕް އެންޑް ވިން ޕްރޮމޯޝަނަކީ ދިވެހިންނަށާއި، ވޯކްޕާމިޓް ނަގައިގެން ރާއްޖޭގައި މަސައްކަތްކުރާ ބިދޭސީންނަށް އަމާޒުކޮށްގެން ކުރިއަށްގެންދާ ހާއްސަ ޕްރޮމޯޝަނެކެވެ. މި ޕްރޮމޯޝަންގެ ދަށުން ކަނޑައަޅާފައިވާ ވަކި ބްރޭންޑެއްގެ އުފެއްދުމެއް ގަންނަ ފަރާތްތަކަށް ޙާއްސަ ލަކީ ޑްރޯއެއްގައި ބައިވެރިވުމުގެ ފުރުޞަތު ލިބިގެންދާނެއެވެ. އަދި ކޮންމެ މަހަކުވެސް ލަކީ ޑްރޯއިން ހޮވޭ ފަރާތަކަށް ދުބާއީ، ބެންކޮކް ނުވަތަ މެނީލާއަށް 2 މީހަކަށް ދިއުމުގެ ދެކޮޅު ޓިކެޓް ލިބިގެންދެއެވެ.
ދޮވެމި އެރައިވަލް ޝޮޕަކީ ވެލާނާ އިންޓަރނޭޝަނަލް އެއަރޕޯޓުގައި މިހާރު ބޭނުންކުރާ އިންޓަރނޭޝަލް ޓަރމިނަލްގައި އެމް.އޭ.ސީ.އެލުން 2014 ވަނަ އަހަރު ހުޅުވި ފިހާރައެކެވެ. މި ފިހާރަ ޙާއްސަކޮށްފައިވަނީ ދުނިޔޭގެ ނަން މަޝްހޫރު ލަގްޒަރީ ބްރޭންޑްތަކުގެ ޒީނަތްތެރިވުމަށް ބޭނުންކުރާ ސާމާނާއި، ސެންޓާއި، އަވި އައިނާއި، އަތުކުރި ގަޑިފަދަ އުފެއްދުންތަކަށެވެ. ކުރިން 60 އަކަފޫޓުގެ ޖާގައިގެ މި ފިހާރައިގެ ޖާގަ މިހާރުވަނީ 110 އަކަފޫޓަށް އިތުރުކޮށްފައެވެ.
މިފިހާރައަކީ ދިވެހިންގެ އިތުރުން، ރާއްޖެ އަންނަ ފަތުރުވެރިންގެ މެދުގައިވެސް މަޤުބޫލު ތަނެކެވެ. ތަފާތު އެކި މުނާސަބަތުތަކާ ދިމާކޮށް މިފިހާރައިން ޚާއްޞަ ޕްރޮމޯޝަންތައް ކުރިއަށްގެންދެއެވެ.