ކޮމިއުނިޓީޝީލްޑް ތަށްޓާއެކު ސިޓީގެ ކުޅުންތެރިން އުފާފާޅުކުރަނީ: ފޮޓޯ-އޭޕީ
މެންޗެސްޓާ ސިޓީގެ ތާރީޚުގައި ވެސް 200 ލަނޑު ހަމަކުރި ފުރަތަމަ ކުޅުންތެރިޔާގެ ޝަރަފު ސާޖިއޯ އަގުއެރޯ ހޯދި މެޗުގައި ޗެލްސީ ބަލިކޮށް، އެ ކުލަބުން އިނގިރޭސި ކޮމިއުނިޓީ ޝީލްޑް ހޯދައިފިއެވެ. މިއީ އެންމެ ފަހުގެ އިނގިރޭސި ލީގުގެ ޗެމްޕިއަން ސިޓީ ކޮމިއުނިޓީ ޝީލްޑް ހޯދި ފަސް ވަނަ ފަހަރެވެ.
އިނގިރޭސި އާ ސީޒަން ހުޅުވަން ކުޅުނު މެޗުގައި އެންމެ ފަހުގެ އެފްއޭކަޕް ޗެމްޕިއަން ކޮޅަށް އަގުއެރޯ ޖެހި ދެ ގޯލާއެކު ސިޓީއަށް އޭނާ ޖަހައިދިން ގޯލުގެ އަދަދު ވަނީ 201 އަށް އަރައިފައެވެ.
އުމުރުން 30 އަހަރުގެ އާޖެންޓީނާ ފޯވަޑް އަގުއެރޯ 201 ގޯލު ޖަހާފައިވަނީ 299 މެޗުންނެވެ. އޭނާ އަކީ މިހާރު ސިޓީގެ ތާރީޚުގައި ވެސް އެކުލަބަށް އެންމެ ގިނަ ގޯލު ޖަހައިދިން ކުޅުންތެރިޔާ އެވެ.
މީގެ ކުރިން މި ރެކޯޑް އޮތީ 494 މެޗުން 177 ގޯލު ޖަހާފައިވާ އެރިކް ބްރޫލް އަތުގައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ