70 މީހުންނާއެކު ދަތުރުކުރަމުންދިޔަ ދޯންޏެއްގެ އިންޖީނު ހުއްޓިގެން އެމްއެންޑީއެފުން ޙަރަކާތްތެރިވަނީ

70 މީހުންނާއިއެކު ދަތުރުކުރަމުންދިޔަ "ދޮންދި" ނަމަކަށްކިޔާ ފެރީ ދޯންޏެއް ގދ. ތިނަދޫއާއި ހައޮޑިގަލާ ދެމެދަށް އިންޖީނު ހުއްޓިގެން އެމްއެންޑީއެފް ސަދަން އޭރިއާގެ ސިފައިން ހަރަކާތްތެރިވާން ފަށައިފިއެވެ.

ގދ. ތިނަދޫއިން ފުރައިގެން ގއ. އަތޮޅަށް ދަތުރުކުރަމުންދިޔަ މިބޯޓަށް ކުރިމަތިވި ޙާދިސާގެ ރިޕޯޓް އެމްއެންޑީއެފް ކޯސްޓްގާޑަށް ލިބިފައިވަނީ މިއަދު 14:15 ހާއިރުއެވެ.

އެމްއެންޑީއެފުން ބުނީ އެދޯންޏަށް އެހީތެރިކަން ފޯރުކޮށްދިނުމަށް ކޯސްޓްގާޑް ލޯންޗް ފާސްޓާ އިންޓަސެޕްޓަރ ކްރާފްޓް "ހަކުރާ" މިހާރު އެޞަރަޙައްދުގައި ޙަރަކާތްތެރިވަމުން އަންނަކަމަށެވެ.

އަދި އިތުރު ދޯންޏެއްގެ އެހީތެރިކަމާއިއެކު މިހާރު އެ ފެރީ ދޯނި ކަފުޖަހައިގެން ގދ. ތިނަދޫއަށް ގެނައުމުގެ މަސައްކަތް ކުރަމުންދާކަމަށްވެސް އެމްއެންޑީއެފުން ބުނެއެވެ.