މިޔަންމާގެ ރަކާން ސްޓޭޓްގައި އަދިވެސް އެ ޤައުމުގެ ބައިމަދު ރޮހިންޔާ މުސްލިމުންނާ ދެކޮޅަށް ޖަރީމާތައް ހިންގަމުންދާ ކަމަށާއި، މިފަދަ ޖަރީމާތަކުން ރެކެން، އަދިވެސް އެ ފަރާތްތަކުން ރަކާން ދޫކޮށް އެހެން ސަރަޙައްދުތަކަށް ހިޖުރަކުރަމުންދާކަމަށް އދގެ އިންސާނީ ހައްޤުތަކާ ބެހޭ އިދާރާގެ އިސްވެރިޔާ ވިދާޅުވެއްޖެއެވެ.
އދގ އިންސާނީ ހައްޤުތަކާ ބެހޭ އިދާރާގެ އިސްވެރިޔާ ޒަޢިދް ރަޢުދުލް ހުސެއިން މިހެން ވިދާޅުވީ، އދގެ އިންސާނީ ހައްޤުތަކާ ބެހޭ މަޖިލީހުގައި ދެއްވި ތަޤުރީރެއްގައެވެ.
ހުސައިން ވިދާޅުވީ، މިޔަންމާގެ ސަރުކާރުން އޮތީ އެ ގައުމުގެ ހުރިހާ ނަސްލުތަކުގެ ހައްޤުތައް ދިފާޢުކުރުމަށް ތައްޔާރަށް ކަމަށް ބުނާ ބުނުމަކީ މިހާތަނަށް އޭނާއަށް އިވިވަޑައިގެން އެންމެ ދެކޮޅު ނުޖެހޭ ވާހަކަކަމަށެވެ. ހުސައިން ވިދާޅުވީ، ރޮހިންޔާ މުސްލިމުންނާ ދެކޮޅަށް ހިންގާ ޖަރީމާތަކުގެ ސަބަބުން މި އަހަރުގެ މިހާތަނަށް އެގާރަ ހާސް ހަތަރު ސަތޭކަ ބައްތިރީސް މީހުން އަވަށްޓެރި ބަންގްލަދޭޝްއަށް ހިޖުރަކޮށްފައިވާ ކަމަށެވެ.
އަދި މިޔަންމާގެ ސަރުކާރުން ކޮންމެ ވާހަކަތަކެއް ދެއްކި ނަމަވެސް، ރޮހިންޔާ މުސްލިމުންނާ ދެކޮޅަށް އަދިވެސް ޖަރީމާތައް ހިންގާކަމަށް އޭނާ ވިދާޅުވިއެވެ.