ޕާކިސްތާނުގެ ލާހޫރަށް އާދަޔާ ޚިލާފަށް ބޯކޮށް ވާރޭ ވެހި، ހިނގި އެކި ހާދިސާތަކުގައި 6 މީހުން މަރުވެއްޖެއެވެ.
ވޭތުވެ ދިޔަ 38 އަހަރު ދުވަހުގެ ތެރޭގައި ނުވެހޭހާ ބޯކޮށް، އެ ސަރަޙައްދަށް ވާރޭ ވެހުމުގެ ސަބަބުބް، ލާހޫރުގެ މަގުތަކުގައި ކޯރު ހެދިފައިވާކަމަށް، މޫސުމާ ބެހޭ އިދާރާއިން މަޢުލޫމާތުދެއެވެ.
ފެންބޮޑުވުމުގެ ސަބަބުން، ސައިކަލުތަކުގައި ދަތުރުކުރަމުންދިޔަ މީހުން މަގުތަކުގައި ތާށިވެ، ކަރަންޓާއި ފެން އެކުވުމުގެ ސަބަބުން ބައެއް މީހުން ކަރަންޓުގަ ޖެހުން ފަދަ ހާދިސާތަށްވެސް ވަނީ ރިޕޯޓުކޮށްފައެވެ.
ވޭތުވެ ދިޔަ 24 ގަޑިއިރުގެ ތެރޭގައި ޕާކިސްތާނުގެ ލާހޫރަށް ވަނީ 214 މިލިމީޓަރުގެ ވާރޭ ވެހިފައެވެ. އަދި ކުރިއަށް އޮތް 48 ގަޑިއިރުގެ ތެރޭގައިވެސް އެ ސަރަޙައްދަށް ބޯކޮށް ވާރޭ ވެހޭނެކަމަށް މޫސުމާ ބެހޭ އިދާރާއިން ލަފާކުރެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ