ށ.ބިލެއްފަހީގައި އެއަރޕޯޓެއް ތަރައްޤީކުރައްވާނެކަން ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައުއްޔޫމް ޢިއުލާންކުރައްވައިފިއެވެ.
އެމަނިކުފަނު މިކަން ޢިއުލާންކުރެއްވީ ބިލެއްފަހީގެ ގޮނޑުދޮށް ޙިމާޔަތްކުރުމުގެ މަޝްރުޢުގެ ނިމުން ފާހަގަކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުންނެވެ. ބިލެއްފަހީގެ ފަޅަކީ ހުޅުމަލޭ ދެފިޔަވައްސަށްވުރެ ބޮޑު ފަޅެއްކަން ފާހަގަކުރައްވައި ރައީސް ވިދާޅުވީ ގުދުރަތީގޮތުން މިރަށަަށް ލިބިފައިވާ މުއްސަނދިކަމަކީ މިސަރަޙައްދުގެ ތަރައްޤީއާ ގުޅިފައިވާކަމެއްކަމަށެވެ.
ބިލެއްފައްސަކީ އާބާދީމަދު ރަށެއްނަމަވެސް ބިމުގެ ގޮތުން މުއްސަނދި ރަށެއްކަން ރައިސް ފަހަގަކުރެއްވިއެވެ. މިފަދަ ރަށްރަށުގެ ބޭނުންކޮށްގެން ރާއްޖެ ތަރައްޤީކުރައްވާނެކަމަށް ރައީސް ވިދާޅުވިއެވެ.
ބިލެއްފަހީގައި ތަރައްޤީކުރާ އެއަރޕޯޓުގެ ސަބަބުން އެރަށަކީ ށ.އަތޮޅުގެ ފަތުރުވެރިކަމުގެ ނާރެއްހަށްވެގެންދާނެކަމަށާ، އެއަރޕޯޓު ތަރައްޤީކުރުމަށް ބޭރުގެ އިންވެސްޓަރުން ވަނީ ޝައުގުވެރިކަން ފަޅުކޮށްފައިކަމަށްވެސް ރައީސް ޔާމީން ވިދާޅުވިއެވެ.
އެ އިންވެސްޓަރުންނަށް އިޝާރާތްކުރައްވައި ރައީސްވިދާޅުވީ އަންނަ ހަފްތާގައި ޓޫރިޒަމް މިނިސްޓަރ މޫސާ ޒަމީރު އިންވެސްޓަރުންނާއެކު މިސަރަޙައްދު ބައްލަވާލެއްވުމަށް ޒިޔާރަތްކުރަށްވާނެކަން ރައީސް ވިދާޅުވިއެވެ. ރައީސް ވިދާޅުވީ ށ.ފުނަދޫ އެއަރޕޯޓާއި ބިލެއްފަހި އެއަރޕޯޓާއެކު މިއަތޮޅުގެ ފަތުރުވެރިކަން ތަރައްޤީވެގެންދާނެކަމަށެވެ. އަދި ބިލެއްފައްސަކީ އެސަރަޙައްދުގެ ފަތުރުވެރިކަމުގެ ނާރެހަކަށް ވެގެންދާނެކަމަށް ރައީސް ވިދާޅުވިއެވެ.