ރައީސުލްޖުމްހޫރިއްޔާ އަލުން އެކުލަވައިލެއްވި މަތީ ތަޢުލީމާބެހޭ މަޖިލީހުގެ ފުރަތަމަ ޖަލްސާ މިއަދު ބާއްވަވައިފިއެވެ.
މި މަޖިލީހުގެ ރިޔާސަތު ބެލެހެއްޓެވީ، މަތީ ތަޢުލީމާބެހޭ މަޖިލީހުގެ ރައީސް، ރައީސުލްޖުމްހޫރިއްޔާގެ ނައިބު ޑޮކްޓަރ މުޙަންމަދު ޖަމީލް އަޙްމަދެވެ.
ރައީސުލްޖުމްހޫރިއްޔާގެ އޮފީހުގައި މިއަދު ބޭއްވެވި މި ޖަލްސާގައި މެންބަރުން މަޝްވަރާ ކުރެއްވީ، މަޖިލީހުގެ މައިގަނޑު މަސައްކަތްތަކާ ގުޅޭގޮތުންނެވެ.
މިގޮތުން، މަތީ ތަޢުލީމާބެހޭ ސިޔާސަތުތަކާއި އުޞޫލުތައް ކަނޑައެޅުމާ ގުޅޭގޮތުންނާއި، މަތީ ތަޢުލީމުދޭ މަރްކަޒެއް ޤާއިމްކުރުމާއި، ރާއްޖޭގައި ޔުނިވަރސިޓީތައް ޤާއިމްކޮށް ހިންގުމާބެހޭ އުޞޫލުތައް ކަނޑައަޅައި، ލަފާދިނުމާ ގުޅޭގޮތުންނާއި، މަތީ ތަޢުލީމުގެ ފުރްޞަތުތައް، ދިވެހި ދަރިވަރުންނަށް ފުޅާކުރުމާ ބެހޭގޮތުން މެންބަރުން މަޝްވަރާ ކުރެއްވިއެވެ.