ޒަމާނީ ޓެކްނޮލޮޖީގެ އެހީގައި ކެޕިޓަލް މާކެޓްއާއި ގުޅޭ މަޢުލޫމާތު ކިޔަވާކުދިންނަށް ދިނުމަށް ކެޕިޓަލް މާރކެޓް ޑިވެލޮޕްމަންޓް އޮތޯރިޓީއާއި އައިލެންޑާރސް އެޑިއުކޭޝަން ޕްރައިވެޓް ލިމިޓެޑްއާ ދެމެދު އެއްބަސްވުމެއްގައި ސޮއެކޮށްފިއެވެ.
މި އެއްބަސްވުމުގެ ދަށުން ކެޕިޓަލް މާކެޓާ ގުޅޭ މަޢުލޫމާތު ފޯރުކޮށްދިނުމަށް ހަމަޖެހިފައިވަނީ "ޓީޗިންގ ޓިއުބް" މެދުވެރިކޮށް، ވީޑިއޯއާއި އޮގްމެންޓެޑް ރިއަލިޓީ ބޭނުންކޮށްގެންކަމަށް ސީއެންޑީއޭއިން މައުލޫމާތުދެއެވެ.
ރާއްޖޭގެ އެކި ކަނކޮޅުތަކުގައި ތައުލީމް ޙާސިލްކުރާ ދަރިވަރުންނަށް މި މައުލޫމާތުތައް ފޯރުކޮށްދިނުމަށް ވަނީ ނިންމާފައެވެ. އަދި "މެންޓަރިންގ ޔަންގް މައިންޑްސް" ގެ ނަމުގައި އައިލެންޑާރސް އެޑިއުކޭޝަންއިން ކުރިއަށްގެންދާ ޕްރޮގުރާމްގެ ތެރެއިންވެސް މިމަޢުލޫމާތުތައް ފޯރުކޮށްދިނުމުގެ ފުރުސަތު ފަހިވެގެންދާނެކަމަށް އެ އޮތޯރިޓީން ބުނެއެވެ.
މި ޕްރޮގުރާމްތައް މެދުވެރިކޮށް މަދަރުސީ ދައުރު ފުރިހަމަކުރުމަށްފަހު، މަސައްކަތުގެ މައިދާނަށް ނުކުންނަ ވަޒީފާގެ ވައްޓަފާޅި ދަސްވުމުގެ އިތުރުން، ކުންފުނިތަކާއި މާލީ ދާއިރާއާއި ގުޅުންހުރި މުއައްސަސާތަކުގެ މަސައްކަތްތަކާއި ވިޔަފާރީގެ ހަރަކާތްތަކަށް ޒުވާނުން އަހުލުވެރިވެގެންދާނެކަމަށް ސީއެމްޑީއޭއިން މައުލޫމާތުދެއެވެ.