މިހާރު ރާއްޖެ އައިސް އުޅޭ އިންޑިއާގެ މަނަވަރު / މިއަދު ހަވީރު އިންޑިއާ ސިފައިންގެ ޚާއްސަ ހަރަކާތްތަކެއް މާލޭގައި އޮންނާނެ
ރަޙްމަތްތެރިކަމުގެ ދަތުރެއްގައި މިހާރު ރާއްޖެ އައިސްއުޅޭ އިންޑިއާގެ ތިން މަނަވަރުގެ ސިފައިންގެ ޚާއްޞަ ޙަރަކާތްތަކެއް ޢާންމުންނަށް ދައްކާލުމަށް ނިންމައިފިއެވެ.
މިމަހުގެ 27 ވަނަ ދުވަހު ރާއްޖެ ޒިޔާރަތްކުރި އިންޑިއާގެ ތިން މަނަވަރުގެ ސިފައިންގެ ޚާއްޞަ ހުށައެޅުންތައް ދައްކާލުން އޮންނާނީ މިއަދު ހަވީރު ހަތަރަކުން އިރުއޮއްސި ހައެއް ޖެހުމާއި ހަމައަށް ޖުމްހޫރީ މައިދާނުގައެވެ.
ޢާންމުކޮށް ހުޅުވާލައިގެން ބާއްވާ މި ޚާއްޞަ ހަރަކާތްތަކުގައި ދިވެހި ސިފައިންގެ ބޭންޑްގެ ވަރަށް ފުރިހަމަ ހުށައެޅުންތަކެއް ފެނިގެންދާނެކަމަށް އެމްއެންޑީއެފުން މަޢުލޫމާތުދެއްވައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ