އެމްއެންޑީއެފް ކޯސްޓްގާޑުގެ އުޅަނދެއް - ފައިލް ފޮޓޯ: ޕީއެސްއެމް
ރޯވެގެން އޮޔާދަނިކޮށް ފެނުނު ރާއްޖޭގެ މަސްބޯޓް "މާރކޯ ޕޯލޯ2" ގައި ދަތުރުކުރި ހުރިހާ އެންމެން ކަނޑުވެފައިތިއްބާ ސަލާމަތްކޮށްފި ކަމަށް އެމްއެންޑީއެފުން ވިދާޅުވެއްޖެއެވެ.
ރޭ ރޯވި މި ބޯޓުގައި ތިބި މީހުން ފެނުނީ މިއަދު ހަވީރު 4:30 އެހާކަންހާއިރު އެ ސަރަޙައްދުގައި އޮތް "ސްޕެއާ 10" ނަމަކަށް ކިޔާ ރާއްޖޭގެ ބޯޓަކަށެވެ. އަލިފާންރޯވި ބޯޓުގައި ތިބީ ދިވެއްސަކާއި އިންޑޮނީޝިއާގެ ނުވަ މީހެއްކަމަށް އެމްއެންޑީއެފުން މަޢުލޫމާތުދެއްވައެވެ.
އެމްއެންޑީއެފުން ވިދާޅުވީ "މާރކޯ ޕޯލް2" ގައި ދަތުރުކުރި10 މީހުންގެ ޙާލުވެސް ރަނގަޅު ކަމަށެވެ. ލޭނުމަސްވެރިކަންކުރާ މި ބޯޓު ފެނިފައިވަނީ ގދ.ތިނަދޫގެ ހުޅަނގުން 323 ނޯޓިކަލް މޭލު ބޭރުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ