ރާއްޖޭގައި އޮންނަ އެންމެ އާބާދީ މަދު އަތޮޅުކަމަށްވާ ވ. އަތޮޅުގެ ރަށްތަކުގެ ޙާލަތު ބައްލަވައި، އެ ރަށްރަށުގެ ތަރައްޤީއަށް ބޭނުންވާ ކަންކަމަކީ ކޮބައިތޯ ބެއްލެވުމަށް ފިނޭންސް މިނިސްޓަރ އަޙްމަދު މުނައްވަރު ވ. އަތޮޅުގެ ރަށްތަކަށް ދަތުރުފުޅެއް ފަށްޓަވައިފިއެވެ.
މި ދަތުރުފުޅަކީ ރައީސުލްޖުމްހޫރިއްޔާގެ ޚާއްޞަ އެދިވަޑައިގަތުމަކަށް ފިނޭންސް މިނިސްޓަރ ކުރައްވާ ދަތުރުފުޅެކެވެ. މި ދަތުރުފުޅުގައި މިހާތަނަށް ވ. އަތޮޅުގެ 3 ރަށަކަށް މިނިސްޓަރ ވަޑައިގެންފައިވެއެވެ. މީގެތެރޭގައި ފުލިދޫ، ތިނަދޫ އަދި ފެލިދޫ ހިމެނެއެވެ. މި 3 ރަށަށް ވަޑައިގެން މިނިސްޓަރ ވަނީ މި 3 ރަށުގެ ރައްޔިތުންނާއި ބައްދަލުކުރައްވައި، ރައްޔިތުންގެ އަޑު އައްސަވާފައެވެ. އަދި މިހާރު އެރަށްރަށަށް ދިމާވެފައިވާ އެކި މައްސަލަތަކާއި ބެހޭގޮތުން ރައްޔިތުންނާ އަދި ރަށު ކައުންސިލްތަކާ ވަނީ މަޝްވަރާ ކުރައްވާފައެވެ. މީގެ އިތުރުން މި ރަށްތަކުގެ ޖަމްޢިއްޔާ ޖަމާޢަތްތަކާ ބައްދަލުކުރައްވައި އެ ޖަމްޢިއްޔާތަކަށް ހުރި ދަތިތައް ވަނީ އޮޅުންފިލުއްވާފައެވެ. އަދި މިއަދު ހަވީރު ފެލިދޫ ޒުވާނުންނާއެކު ޚާއްޞަ ފުޓްބޯޅަ މެޗެއް ކުޅުއްވާ ގޮތަށް ވަނީ ހަމަޖެހިފައެވެ. އިއްޔެ ފެއްޓެވި މި ދަތުރުފުޅުގައި ވ. އަތޮޅުގެ ހުރިހާ ރަށަކަށް މިނިސްޓަރ ވަޑައިގަންނަވާ ގޮތަށް ހަމަޖެހިފައިވެއެވެ.