ކޮލަމާފުށީ ފެނާއިނަރުދަމާ ނިޒާމު ޤާއިމުކުރުމުގެ ޢަމަލީ މަސައްކަތް

ގއ. ކޮލަމާފުށީ ފެނާއި ނަރުދަމާ ނިޒާމު ޤާއިމުކުރުމުގެ ޢަމަލީ މަސައްކަތް ފަށައިފިއެވެ. img:http://s4.psmnews.mv/images/660x400/14772176335896.jpg|ގއ. ކޮލަމާފުށީ ފެނާއި ނަރުދަމާ ނިޒާމު ޤާޢިމުކުރުމަށް ބޭނުންވާ ސާމާނު އިއްޔެ އެރަށަށް ގެންދިއުން - ފޮޓޯ: ޓްވިޓަރ

ޕީއެސްއެމް އަށް މަޢުލޫމާތުދެއްވަމުން ކޮލަމާފުށި ކައުންސިލް މެމްބަރު މުޙައްމަދު ރިފްޝާން ވިދާޅުވީ ފެނާއި ނަރުދަމާ ނިޒާމުގެ ޢަމަލީ މަސައްކަތް ފަށައިގެން ކުރިއަށްދާ ކަމަށާއި، މިގޮތުން ފެނުގެ ނިޒާމު ޤާޢިމުކުރުމަށް ބޭނުންވާ އާރުއޯ ޕްލާންޓް ޤާޢިމުކުރުމުގެ މަސައްކަތް ފަށާފައިވާ ކަމަށެވެ. އަދި ފެނާއި ނަރުދަމާ ނިޒާމު ޤާއިމުކުރުމަށް ބޭނުންވާ ސާމާނު އިއްޔެ އެރަށަށް ގެންގޮސްފައިވާ ކަމަށްވެސް އޭނާ ވިދާޅުވިއެވެ. img:http://s1.psmnews.mv/images/660x400/14772176503055.jpg|ގއ. ކޮލަމާފުށީ ފެނާއި ނަރުދަމާ ނިޒާމު ޤާއިމުކުރުމަށް ބޭނުންވާ ސާމާނު އިއްޔެ އެރަށަށް ގެންދިއުން - ފޮޓޯ: ޓްވިޓަރ

މިތަކެތި ބޭލުމުގެ މަސައްކަތުގައި އެރަށުގެ ގިނަ ޢަދަދެއްގެ ރައްޔިތުން ބައިވެރިވެފައިވާކަން ކައުންސިލުން ފާހަގަކުރެއެވެ. img:http://s1.psmnews.mv/images/660x400/14772176670888.jpg|ގއ. ކޮލަމާފުށީ ފެނާއި ނަރުދަމާ ނިޒާމު ޤާއިމުކުރުމަށް ބޭނުންވާ ސާމާނު އިއްޔެ އެރަށަށް ގެންދިއުން - ފޮޓޯ: ޓްވިޓަރ

ސޯޅަސަތޭކައެއްހާ މީހުން ދިރިއުޅެމުންދާ ގއ. ކޮލަމާފުށީގައި ރައްކާތެރި ފެނާއި ނަރުދަމާގެ ނިޒާމަކީ އެރަށަށް ވަރަށް ބޮޑަށް ބޭނުންވެފައިވާ ޚިދުމަތެއްކަން އެރަށު ރައްޔިތުން ފާހަގަކުރެއެވެ.