ހިއްސާއަކަށް 3.53ރ ބަހަން އުރީދޫން ނިންމައިފިި
-
އަހަރީ އާންމު ޖަލްސާގައި 353 ހިއްސާދާރުން ބައިވެރިވި
-
ވަތަނިއްޔާ އިންޓަރނޭޝަނަލް ތަމްސީލުކުރަން ފާތިމަތު ސުލްޠާން އަލް-ކުވާރީ އަލުން އައްޔަންކުރި
-
ބޯޑު ޑައިރެކްޓަރަކަށް އައްޔަންކުރީ ޢަބްދުﷲ ޢަލީ
އުރީދޫގެ މިދިޔަ އަހަރުގެ ފައިދާއިން ހިއްސާއަކަށް 3.53ރ. ބަހަން ފާސްކޮށްފިއެވެ. މިގޮތަށް ފާސްކޮށްފައިވަނީ މިދިޔަ އުރީދޫގެ އަހަރީ އާންމު ޖަލްސާގައެވެ.
ބުދަ ދުވަހުގެ ރޭ އުރީދޫ ހެޑް އޮފީހުގައި ބޭއްވި އަހަރީ އާއްމު ޖަލްސާގައި އެ ކުންފުނީގެ 353 ހިއްސާދާރުންވަނީ ބައިވެރިވެފައެވެ. އޭގެ ތެރޭގައި ޖަލްސާއަށް ގޮސް ބައިވެރިވި 144 ހިއްސާދާރުންނާއި 209 ހިއްސާދާރުން ތަމްސީލުކުރި 27 ޕްރޮކްސީން ހިމެނެއެވެ. އެއީ އެ ކުންފުނީގެ ޖުމުލަ ހިއްސާގެ 98 އިންސައްތަ ކަމަށް އުރީދޫން ހާމަކުރެއެވެ.
މިއަހަރު އުރީދޫގެ އަހަރީ އާންމު ޖަލްސާ ބާއްވާފައިވަނީ އެ ކުންފުނީގެ އޮފީހަށް ހާޒިރުވެގެންނާއި މޯލްޑިވްސް ސެކިއުރިޓީޒް ޑިޕޮސިޓަރީގެ ފަހިވޯޓް މެދުވެރިކޮށެވެ.
މި ޖަލްސާގައި ހިއްސާއަކަށް 3.53ރ. ބަހަން ފާސްކުރުމުގެ އިތުރުން މިދިޔަ އަހަރުގެ މާރިޗު 9ވަނަ ދުވަހު ބޭއްވި އަހަރީ އާންމު ޖަލްސާގެ ޔައުމިއްޔާ އާއި މިދިޔަ އަހަރުގެ އޮޑިޓް ކޮށްފައިވާ މާލީ ބަޔާންތަކާއި ޑިރެކްޓަރުންގެ ރިޕޯޓު ފާސްކޮށްފައިވެއެވެ. އަދި މިއަހަރުގެ އޮޑިޓަރުގެ ގޮތުގައި ކޭޕީއެމްޖީ އައްޔަންކުރަންވެސްވަނީ ފާސްކޮށްފައެވެ.
މިޖަލްސާގައި ވަނީ އުރީދޫ މޯލްޑިވްސްގެ ބޯޑަށް ޑިރެކްޓަރުންގެ ގޮތުގައި ކުންފުނީގެ މެޖޯރިޓީ ހިއްސާދާރު، ވަތަނިއްޔާ އިންޓަރނޭޝަނަލް ތަމްސީލުކުރުމަށް ފާތިމަތު ސުލްޠާން އަލް-ކުވާރީ އަލުން އައްޔަންކޮށްފައެވެ. އަދި އާންމު ހިއްސާދާރުންގެ ފަރާތުން ބޯޑުގައި އިންނަވާނެ ޑިރެކްޓަރަކަށް އަބްދުﷲ އަލީ އައްޔަންކޮށްފައިވެއެވެ.
އުރީދޫން އަންނަނީ އަހަރުން އަހަރަށް ކުންފުނީގެ އާމްދަނީ އިތުރުކޮށް، ފައިދާ ބޮޑުކުރުމަށް ގިނަ މަސައްކަތްތަކެއް ކުރަމުންނެވެ. އަދި އާންމުންނަށް ފައިދާކުރަނިވި ގިނަ މަސައްކަތްތަކެއް އެކުންފުނިން ކުރަމުންދާ ކަމަށްވެސް އުރީދޫންވަނީ ވިދާޅުވެފައެވެ.