ޚަބަރު
މާލޭ ގެއެއްގައި އަލިފާނުގެ ހާދިސާއެއް
-
އަލިފާނުގެ ހާދިސާ ހިނގާފައިވަނީ މ.މާމުޓާ ގޭގައި
-
އަލިފާން ނިއްވާލެވުނީ ފަތިހު 04:46 ހާއިރު
-
މީހަކަށް ގެއްލުންވީކަމުގެ މައުލޫމާތެއް ނުލިބޭ
މ.މާމުޓާ ކިޔާ ފަޅު އިމާރާތުގައި ރޯވި އަލިފާންގަނޑު. ފޮޓޯ: އެމްއެންޑީއެފް
މ.މާމުޓާ ކިޔާ ފަޅު އިމާރާތުގައި ރޯވި އަލިފާން، އެމްއެންޑީއެފް ފަޔަރ އެންޑް ރެސްކިޔު ސަރވިސް، މާލެ ފަޔަރ ސްޓޭޝަނުން ނިއްވާލައިފިއެވެ.
މި ހާދިސާގެ ރިޕޯޓް ރޭ ފަތިހު 04:11 ހާއިރު އެމްއެންޑީއެފް ފަޔަރ އެންޑް ރެސްކިޔު ސަރވިސް، މާލޭ ފަޔަރ ސްޓޭޝަނަށް ލިބުމާ އެކު، އެ ފަޔަރ ސްޓޭޝަނުގެ ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވެއެވެ. މިގޮތުން، ފަޔަރ ފައިޓަރުން ކުރި މަސައްކަތުން އަލިފާން ނިއްވާލެވުނީ 04:46 ހާއިރުކަމަށް އެމްއެންޑީއެފްއިން ވިދާޅުވިއެވެ.
މި ހާދިސާގައި އެއްވެސް މީހަކަށް އަނިޔާއެއް ވީކަމުގެ ރިޕޯޓު ލިބިފައެއް ނުވާކަމަށް އެމްއެންޑީއެފްއިން ވިދާޅުވިއެވެ.