މާފުށީ ސްކޫލުގެ 12 ކްލާސްރޫމުގެ އިމާރާތް ނިންމައި، ފިނިންޝިންގެ މަސައްކަތް ކުރިއަށް

މާލެ އަތޮޅު މާފުށީ ސްކޫލުގައި ތަރައްޤީކުރާ 12 ކްލާސްރޫމުގެ އިމާރާތުގެ މަސައްކަތް ނިންމާލައިފިއެވެ.

މި މަސައްކަތުގެ ކޮންޓްރެކްޓަރ، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ، އެމްޓީސީސީން ވިދާޅުވީ މިހާރު ކުރިއަށްދަނީ ޕްރޮޖެކްޓް އެންމެ ފަހުގެ މަސައްކަތްތައްކަަމަށެވެ. އެގޮތުން ޓައިލިންގެ މަސައްކަތާއި ސީލިމްގެ ގެ މަސައްކަތް މިހާރު ނިމެމުންދާކަމަށް އެމްޓީސީސީން މައުލޫމާތުދެއްވިއެވެ.

މީގެ އިތުރުން އިމާރާތަށް ބޭނުންވާ ބައެއް އެހެން ކަންކަން ފުރިހަމަކުރުމަށް ބޭނުންވާ ތަކެތި ސަޕްލައިކޮށް އިންސްޓޯލްކުރުން ކުރިިއަށްދާކަމަށްވެސް އެމްޓީސީސީން ވިދާޅުވިއެވެ.

Project Update: Completion of 12 Classrooms Building at K. Maafushi School

Tiling and ceiling works are currently ongoing at the site.

Follow more updates at: https://t.co/SfVAzkW2pp#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/CH2eacd7bL

— MTCC Plc (@MTCCPlc) August 27, 2025

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ، އެމްޓީސީސީއާ މިމަސައްކަތް ހަވާލުކޮށްފައިވަނީ 758066.60ރ (ހަތްލައްކަ ފަންސާސްއަށްހާސް ފަސްދޮޅަސް ހަރުފިޔާ ފަސްދޮޅަސްލާރި)އަށެވެ.

ސަރުކާރު ސްކޫލްތަކަށް ކުރިމަތިވެފައިވާ ޖާގައިގެ ދަތިކަން ޙައްލުކުރުމަށް ސްކޫލްތަކުގައި އައު ޢިމާރާތާއި މަލްޓިޕަރޕަސް ހޯލްތައްހެދުމުގެ ގިނަ މަޝްރޫޢުއެއްގެ މަސައްކަތް މިހާރުވެސް ހިނގަމުން އެބަދެއެވެ.

ސްކޫލްތަކަށް ދަރިވަރުން އިތުރުވަމުންދާ މިންވަރަށް ބަލައިގެން އެތަންތަނަށް އެންމެ ބޮޑަށް ބޭނުންވާ އެއްކަމަކީ ޖާގަ ތަނަވަސް ޢިމާރާތްކަން ސްކޫލްތަކުން ފާހަގަކުރެއެވެ. އަދި ބައެއް ސްކޫލްތަކުގައި ހުރި އެތައް އަހަރެއްވީ ސްކޫލް ޢިމާރާތްތަކުގައި ކިޔަވައިދިނުމަކީ އެންމެ ރައްކާތެރި ގޮތް ނޫންކަންވެސް ސްކޫލްތަކުން ފާހަގަކުރެއެވެ.