ޚަބަރު
ހައިވޭގައި ހިނގި އެކްސިޑެންޓެއްގައި 2 މީހަކަށް އަނިޔާވެ ފަރުވާދެނީ
-
އެކްސިޑެންޓް ހިނގާފައިވަނީ ވޭނެއް އޯވަރޓޭކްކުރަން އުޅުމުގެތެރޭ ސައިކަލެއްގައި ޖެހިގެން
-
އަނިޔާވީ ސައިކަލުގައި ތިބި 2 މީހަކަށް
އިންދިރާގާދީ މެމޯރިއަލް ހޮސްޕިޓަލް، އައިޖީއެމްއެޗް | ފޮޓޯ: ޕީއެސްއެމް ނިއުސް
ސިނަމާލޭ ބްރިޖުގެ ހައިވޭގައި ވޭނަކާއި ސައިކަލެއް ޖެހި ހިނގި އެކްސިޑެންޓެއްގައި 2 މީހަކަށް އަނިޔާވެ، ފަރުވާ ދޭން ފަށައިފިއެވެ.
ފުލުހުން ވިދާޅުވީ، ހައިވޭގެ ހުޅުމާލެއިން މާލެއަށް ދަތުރުކުރާ ފަޅީގެ 4 ލޭން ހިމެނޭ ސަރަޙައްދުގައި ވޭނަކާއި ސައިކަލެއްޖެހި އެކްސިޑެންޓްވެފައިވާކަމުގެ ރިޕޯޓް ފުލުހުން ލިބިފައިވަނީ މިރޭ 22:49 ހާއިރުކަމަށެވެ.
މި އެކްސިޑެންޓު ހިނގާފައިވަނީ ވޭން އޯވަރޓޭކްކުރަނިކޮށް ސައިކަލުގައި ޖެހިގެންކަމަށް ފުލުހުން ވިދާޅުވިއެވެ. އަދި މި އެކްސިޑެންޓުގައި ސައިކަލުގައި ތިބި 2 މީހުންނަށް އަނިޔާވެގެން އައިޖީއެމްއެޗްއަށް ގެންގޮސް ފަރުވާ ދެމުންދާކަމަށްވެސް ފުލުހުން ވިދާޅުވިއެވެ.
ފުލުހުން އަންނަނީ މި ޙާދިސާ އިތުރަށް ތަޙުޤީޤުކުރަމުންނެވެ.