އެއަރ އިންޑިއާ ފްލައިޓު ވެއްޓުނު ޙާދިސާއާގުޅިގެން ރައީސުލްޖުމްހޫރިއްޔާ ހަމްދަރުދީ ފާޅުކޮށްފި
-
ފްލައިޓު ވެއްޓިފައިވަނީ އިންޑިޔާގެ ހުޅަނގު ގުޖްރާތު ސްޓޭޓްގެ އަޙްމަދްއާބާދް ކައިރިއަށް
އެއަރ އިންޑިއާގެ ފްލައިޓު ވެއްޓުމުގެ ހިތާމަވެރި ހާދިސާއައި ގުޅިގެން ހަމްދަރުދީފާޅުކޮށް، މި އުނދަގޫ ދަނޑިވަޅުގައި އިންޑިއާ ސަރުކާރާއި ރައްޔިތުންނާއެކު ހުންނެވިކަމަށް ރައީސުލްޖުމްހޫރިއްޔާ ވިދާޅުވެއްޖެއެވެ.
އެއަރ އިންޑިޔާގެ މަތިންދާބޯޓު، އޭއައި 171 ފްލައިޓު އިންޑިޔާގެ ހުޅަނގު ގުޖްރާތު ސްޓޭޓްގެ އަޙްމަދްއާބާދް ކައިރިއަށް ވަނީ ވެއްޓިފައިފައެވެ. އަޙްމަދުއާބާދް ވައިގެ ބަނދަރު ކައިރީގައި އޮންނަ މޭގާނީނަގަރް ކިޔާ ސަރަޙައްދަކަށް މަތިންދާބޯޓު ވެއްޓިފައި ވަނީ، އަޙްމަދްއާބާދުގެ ވައިގެ ބަނދަރުން އުދުއްސައިލިތާ ކުޑަ ވަގުތު ކޮޅެއް ފަހުންނެވެ. މިއީ 242 މީހުންނާއެކު ދަތުރުކުރަމުންދިޔަ ފްލައިޓެކެވެ.
އެއަރ އިންޑިއާ ފްލައިޓު ވެއްޓުމާއި ގުޅިގެން މީސްމީޑިއާގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާ ވަނީ ހާދިސާ ހިނގުމާއި ގުޅިގެން ހަމްދަރުދީ ފާޅުކުރައްވާފައެވެ. އަދި މި އުނދަގޫ ދަނޑިވަޅުގައި އެ ޤައުމުގެ ސަރުކާރާއި ރައްޔިތުންނާއެކު ހުންނެވިކަމަށް އެމަނިކުފާނު ވިދާޅުވިއެވެ.
I express profound sadness at the tragic crash of @airindia flight AI 171 near Ahmedabad.
— Dr Mohamed Muizzu (@MMuizzu) June 12, 2025
At this difficult time, the government and people of #Maldives stand in solidarity with the people and the Government of India.
މި ޙާދިސާއާގުޅިގެން ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފްވެސް ވަނީ ސޯޝަލް މީޑިއާގައި ހަމްދަރުދީގެ މެސެޖެއް ޕޯސްޓްކުރައްވާފައެވެ. ނައިބު ރައީސްގެ ޕޯސްޓުގައި މި ހިތާމަވެރި ހާދިސާގައި ނިޔާވި ފަސިންޖަރުންގެ ޢާއިލާތަކަށާއި ހާލުގައި ޖެހުނު އެންމެހާ ފަރާތްތަކަށް ވަރަށް އިޚްލާޞްތެރިކަމާއެކު ވަނީ ތަޢުޒިޔާ ދަންނަވާފައެވެ.
Devastated by the tragic news of @airindia Flight AI171’s crash in Ahmedabad. I extend my heartfelt condolences to the families of the passengers and all those affected. Our thoughts and prayers are with them during this difficult time.
— Hussain Mohamed Latheef (@HucenSembe) June 12, 2025
ވެއްޓުނު މަތިންދާބޯޓަކީ ބޯއިންގ 787-800 ޑްރީމްލައިނަރ މަރުކާގެ ޒަމާނީ އުޅަނދެކެވެ. އެ މަތިންދާބޯޓު ވެއްޓުނު ހާދިސާއާ ގުޅިގެން ގުޖްރާތުގެ ވައިގެ ސަރަޙައްދު ބަންދުކޮށް އަޙްމަދުއާބާދް ވައިގެ ބަނދަރުގެ ޚިދުމަތް ވަގުތީ ގޮތުން މެދުކަނޑާލިއެވެ.