ކެންސަރ ސޮސައިޓީ އޮފް މޯލްޑިވްސްއާ ގުޅިގެން ބޭންކް އޮފްމޯލްޑިވްސް (ބީއެމްއެލް)ގެ މުވައްޒަފުންނަށް ޚާއްޞަކޮށްގެން އުރަމަތީގެ ކެންސަރަށް ސްކްރީންކުރުމުގެ ޕްރޮގްރާމެއް ފަށައިފިއެވެ.
ބީއެމްއެލުން ބުނީ މިއީ އަލިފުޅު ތުއްތު ފައުންޑޭޝަންގެ އެހީތެރިކަމާއެކުހިންގާ ޕްރޮގްރާމެއް ކަމަށެވެ.
ބޭންކްގެ މުވައްޒަފުންނަށާއި އެ މުވައްޒަފުންގެ ބައިވެރިންނަށް ހުޅުވާލި މިފުރުޞަތުގައި، ސްކްރީނިންގ ޕްރޮގްރާމްގައި ބައިވެރިވި މުވައްޒަފުން، ކުރިއަށް އޮތް ދެދުވަހުގެ ތެރޭގައި ޑޮކްޓަރުންގެ ޓީމަކުން ބަލާނެ ކަމަށް ބީއެމްއެލްއިން ބުނެއެވެ. މި ސްކްރީނިންގައި ޑޮކްޓަރުން ބެލުމާއި، އަދި ބޭނުންވާ ޙާލަތްތަކުގައި އަލްޓްރާ ސައުންޑް ސްކޭނިން ހެދުމަށް ހަމަޖެހިފައިވާ ކަމަށާއި އަދި އަމިއްލައަށް ކެންސަރ ހުރިތޯ ބަލާނެ ގޮތާއި ވީހާވެސް ކުރިން ކެންސަރު ދެނެގަނެ ވީހާވެސްއަވަހަކަށް ފަރުވާ ހޯދުމުގެ މުހިންމުކަމާބެހޭގޮތުން ކެންސަރ ސޮސައިޓީގެ ތަޖުރިބާކާރުން މަޢުލޫމާތު ސެޝަންތަކެއްވެސް ކުރިޔަށް ގެންގޮސްފައިވެއެވެ.
މި ޕްރޮގްރާމަކީ ކެންސަރ ސޮސައިޓީގެ ފަރާތުން ރާއްޖޭގެ ބޮޑެތި އޮފީސް އަދިމުއައްސަސާތަކާ ގުޅިގެން މަހަކު އެއްފަހަރު ހިލޭ ހިންގުމަށް ނިންމާފައިވާ ސްކްރީނިންގ ޕްރޮގްރާމްގެ ދަށުން ކުރިއަށް ގެންދާ ފުރަތަމަ ޙަރަކާތެވެ.