މައްސަލަ ހައްލުކޮށް، މުޅި މާލެއަށް ކަރަންޓު ދީފި
-
ކަރަންޓު ކެނޑުނީ 11:35 ހާއިރު
-
ކަރަންޓު ކެނޑުނީ އިންޖީނުތައް ނިވިގެން
މާލެއިން ކަރަންޓު ކެނޑުނީ، ސްޓެލްކޯގެ އިންޖީނުގެއަށް ދިމާވި މައްސަލައެއްގެ ސަބަބުން ކަމަށް ސްޓެލްކޯއިން ވިދާޅުވެއްޖެއެވެ.
މިއަދު ހެނދުނު 11:35 އެއް ހާއިރު، މާލެއިން ވަނީ ކަރަންޓު ކެނޑިފައެވެ. އެގޮތުން، މުޅި މާލެއިން ކަރަންޓު ކެނޑިގެން ދިއުމާއި ގުޅިގެން ދިމާވި މައްސަލަ ބަލައި، ސްޓެލްކޯއިން ވަނީ މައްސަލަ ހައްލުކޮށް މުޅި މާލެއަށް ކަރަންޓު ދީފައެވެ.
ސްޓެލްކޯއިން ވިދާޅުވީ ކަރަންޓު ކެނޑެން މެދުވެރިވީ، އިންޖީނުގެއަށް ދިމާވި ޓެކްނިކަލް މައްސަލައެއްގެ ސަބަބުން އިންޖީނުތައް ނިވިގެން ކަމަށެވެ. މިހާރު އިންޖީނުތައް އަލުން ހިންގަންފަށާފައިވާ ކަމަށް ސްޓެލްކޯއިން ވިދާޅުވެއެވެ.
މާލޭގެ ކަރަންޓުގެ ޚިދުމަތް މެދުކެނޑިފައިވަނީ އިންޖީނުގެއަށް ދިމާވި ޓެކްނިކަލް މައްސަލައަކާ ގުޅިގެން މާލޭގެ އިންޖީނުގެ ނިވިގެން. މިހާރު އިންޖީނުގޭގެ އިންޖީނުތައް އަލުން ހިންގަން ފެށުމާއެކު، ކަރަންޓު މެދުކެނޑުނު ސަރަޙައްދުތަކަށް ޚިދުމަތް އަލުން ފޯރުކޮށްދިނުމުގެ މަސައްކަތް ދަނީ…
— STELCO (@STELCOMALDIVES) February 1, 2025
ކަރަންޓު ކެނޑެން މެދުވެރިވި ސަބަބެއް ސްޓެލްކޯއިން ހާމަކޮށްފައި ނުވިނަމަވެސް، މާލެއަށް ކަރަންޓު އަނބުރާ ދޭން ފެށިފައިވަނީ ގާތްގަނޑަކަށް ބައިގަޑިއިރެއްހާއިރު ތެރޭގައެވެ.