ބިދޭސީއެއްގެ އަތުން ފޭރުނު 2 މީހުންގެ ބަންދަށް 10 ދުވަސް
-
މި މައްސަލައިގައި ފުލުހުންގެ ބެލުމުގެ ދަށަށް ގެންގޮސްފައިވަނީ ދިވެހި ދެ ފިރިހެނުން
-
ބިދޭސީ މީހާގެ އަތުން 33،500 ރުފިޔާ ފޭރުނުކަމަށް މަޢުލޫމާތު ދީފައިވޭ
ބިދޭސީއެއްގެ އަތުން ފޭރުނު 2 މީހުންގެ ބަންދަށް ކޯޓުން 10 ދުވަސް ޖަހައިފިއެވެ.
ބިދޭސީއެއްގެ އަތުން ފޭރުނު މައްސަލައިގައި 2 ދިވެއްސަކު ފުލުހުންގެ ބެލުމުގެ ދަށަށް ގެންގޮސްފައިވާކަން ދިވެހި ފުލުހުންގެ ޚިދުމަތުން ހާމަކުރައްވާފައިވަނީ މިއަދުއެވެ. މި މައްސަލައިގައި ފުލުހުންގެ ބެލުމުގެ ދަށަށް ގެންގޮސްފައިވަނީ 36 އަހަރުގެ ދިވެހި 2 ފިރިހެނުންނެވެ. އެ މީހުންނަކީ ކ. މާލެ، ހ. ރެދަން / ފަވާޒް ކަޅުތުއްތު އާއި ތ. ތިމަރަފުށި، ލަކީ ހައުސް / ސޮފްވާން އަލީއެވެ.
މިދެ މީހުން ބިދޭސީ މީހާގެ އަތުން 33،500 ރުފިޔާ ފޭރުނުކަމަށް މަޢުލޫމާތު ދީފައިވާކަމަށް ފުލުހުން ވިދާޅުވިއެވެ.
ފުލުހުން ވިދާޅުވީ މި ދެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 10 ދުވަހަށް ބަންދުގައި ބޭތިއްބުމަށް އަމުރުކޮށްފައިވާ ކަމަށެވެ.
މި މައްސަލަ ފުލުހުން ދަނީ ތަޙުޤީޤުކުރައްވަމުންނެވެ.