ޗެމްޕިއަންސް ލީގުގައި މިރޭ ދަންވަރު ނެދަލޭންޑްސްގެ ޕީއެސްވީ އެއިންދޯވެންއާ ދެކޮޅަށް ކެޕްޓަން ވާޖިލް ވެންޑައިކާއި ފޯވަޑް މުހައްމަދު ސަލާހް އަދިގޯލްކީޕަރު އަލިސަން ބެކާ ލައްވައި ނުކުޅުވަން ލިވަޕޫލުން ނިންމައިފި އެވެ.
ސަލާހްގެ އިތުރުން ވައިސް ކެޕްޓަން ޓްރެންޓް އެލެގްޒެންޑާ އާނޮލްޑާއި ޑިފެންޑަރު އިބްރާހީމާ ކޮނާޓޭ އާއި މިޑްފީލްޑަރު ރަޔަން ގްރަވެންބާޗް އާއި ހަންގޭރީގެ އެޓޭކިން މިޑްފީލްޑަރު ޑޮމިނިކް އެސްޒޮބޮސްލާއީ އާއި އާޖެންޓީނާގެ މިޑްފީލްޑަރު އެލެކްސިސް މެކްއަލިސްޓާ އާއި ކޮލަމްބިއާގެ ލުއިޒް ޑިއާޒް ވެސް ނުކުޅޭނެ އެވެ.
ކޯޗު އާނޭ ސްލޮޓް މި ގޮތަށް ނިންމީ މުބާރާތުގެ ގަދަ 16 އަށް ލިވަޕޫލް ދަތުރުކޮށްފައިވާތީ އެވެ.
ލިވަޕޫލް މި ވަގުތު އޮތީ ގްރޫޕް ސްޓޭޖުގައި ހަތް މެޗު ކުޅެން 21 ޕޮއިންޓާއެކު ޓޭބަލުގެ އެއްވަނާގަ އެވެ. މިހެންވެ ގްރޫޕް ސްޓޭޖުގެ ފަހު މެޗުން މިރޭ ބަލިވި ނަމަވެސް ޓޭބަލުގެ ދެ ވަނަ އަށް ވުރެ ފަހަތަށް ލިވަޕޫލް ނުވެއްޓޭނެ އެވެ.
މި މެޗުގެ ކުރިން ވާހަކަ ދައްކަމުން ކޯޗު ބުނީ މިއީ ޓީމު އަލުން ފްރެޝްކޮށްލަން ލިބޭ ފުރުސަތެއް ކަމަށެވެ.
އިނގިރޭސި ޕްރެމިއާ ލީގުގެ ތާވަލުގެ އެއްވަނާގައު އޮތް ޓީމު އަންނަ ހޮނިހިރު ދުވަހު ބައްދަލުކުރާނީ ބޯންމައުތާ އެވެ.