މޯލްޑިވިސް ޕޮލިޓެކްނިކްގެ ދަރިވަރުންނަށް ލިއޯ ކުންފުނީގެ ފަރާތުން އިންޓާންޝިޕްގެ ފުރުޞަތުތަށް ފަހިކޮއްދިނުމަށް އަމާޒުކޮށް ވަނީ އެއްބަސްވުމެއްގައި ސޮއިކޮއްފައެވެ.
މި އެއްބަސްވުމުގައި، މޯލްޑިވިސް ޕޮލިޓެކްނިކްގެ ފަރާތުން ސޮއިކުރެއްވީ ސީއީއޯ، ޛޫޝާން ކަމާލުއްދީނެވެ. އަދި ލިއޯ ޓްރޭޑިންގ ކުންފުނީގެ ފަރާތުން ސޮއިކުރެއްވީ އެ ކުންފުނީގެ ޖެނެރަލް މެނޭޖަރ، މިޒާލް މުޙައްމަދުއެވެ.
މި ރަސްމިިއްޔާތުގައު ވާހަކަ ދައްކަމުން މޯލްޑިވިސް ޕޮލިޓެކްނިކްގެ ސީއީއޯ، ޛޫޝާން ކަމާލުއްދީ ވިދާޅުވީ މި ފަދަ ފުރުސަތެއް ޕޮލިޓެކްނިކަށް ލިބުމަކީ އެތަނުގެ ދަރިވަރުނަށް ލިބިގެން ދިޔަ ވަރަަށް ރަނގަޅު ފުރުޞަތެއްކަމަށެވެ. އަދި ޕޮލިޓެކްނިކްގެ ޕްރޮގްރާމްތަކުގައި ބައިވެރިވާ ކުދިންނަށްވެސް އެ މައުލޫމާތު ލިބުމަކީ މުހިންމު ކަމެއްކަމަަށް ޛޫޝާން ވިދާޅުވިއެވެ.
"ވަރަށް ރަނގަޅު ފުރުޞަތެއް އަސްލު ލިބިގެން މިދިޔައީ. މި ހިސާބައް އަންނަން ގާތް ގަނޑަކަށް 6 މަސް ވެއްޖެ. އަޅުގަނޑު ގަބޫލް ކުރަނީ ޕޮލެޓެކްނިކް ކުދިންނަށް އަދި އަލަށް ވަންނަ ކުދިންނަށް ވެސް މި މައުލޫމާތު ލިބުމަކީ ވަރަށް މުހިންމުކަމެއް" ޛޫޝާން ކަމާލުއްދީ ވިދާޅުވިއެވެ.
ޕޮލިޓެކްނިކާއި ލިއޯ ކުންފުންޏާއި ދެމެދު ވެވުނު މި އެއްބަސްވުމުގެ ދަށުން، ދިވެހިރާއްޖޭގެ ލޮޖިސްޓިކްސް ދާއިރާއަށް 22 އަހަރު ޙިދުމަތްކޮއްދެއްވާފައިވާ، އެ ކުންފުނީގައި ޢުޖޫރައަކާއިއެކު، އިންޓާންޝިޕް ފުރިހަމަކޮށް، ޢަމަލީ ތަޖުރިބާ ހާޞިލުކުރުމުގެ ފުރުޞަތު ޕޮލިޓެކްނިކްގައި ތަމްރީނުވަމުންދާ ދަރިވަރުންނަށް ހުޅުވާލެވިގެން ދާނެކަމަށް ޕޮލިޓެކްނިކު ވިދާޅުވެއެވެ.
މޯލްޑިވްސް ޕޮލިޓެކްނިކުން އަންނަނީ ރާއްޖެއަށް ބޭނުންވާ ފަންނީ އެކި ދާއިރާތަކުން މީހުން ބިނާކުރުމަށް މަސައްކަތްތަކެއް ކުރަމުންނެވެ. އެއާއެކު އަމިއްލަ ކުންފުނިތަކާއި އެކު، ޖަމިއްޔާ ޖަމާއަތްތަކާއި ގުޅިގެންވެސް ތަފާތު އެކި ޕްރޮގްރާމްތައް އަންނަނީ ރާވާ ހިންގަމުންނެވެ.