"ހަމްދު" ދޯނީގައި ރޯވި އަލިފާން ނިއްވާލައިފި، އެއްވެސް މީހަކަށް ހާނީއްކައެއް ނުވޭ

ދ. ކުޑަހުވަދޫ ކައިރިން ދަތުރުކުރަމުންދިޔަ "ހަމްދު" ދޯނީގައި ރޯވި އަލިފާން ނިއްވާލައިފިއެވެ.

މި ދޯންޏަކީ ކަނޑިންމަ ރިސޯޓަށް ފެން ހިފައިގެން ދަތުރުކުރަމުންދިޔަ މުދާ އުފުލާ ދޯންޏެކެވެ. އެ ދޯނީގެ އިންޖީނު ރޫމުގައި އަލިފާނުގެ ހާދިސާއެއް ހިނގައިގެން އުޅޭކަމުގެ މަޢުލޫމާތު އެމްއެންޑީއެފް ސެންޓްރަލް އޭރިއާ ކޮމާންޑް، ކުޑަހުވަދޫ ފަޔަރ ސްޓޭޝަނަށް ލިބިފައިވަނީ މިއަދު ހެނދުނު 7:20 ހާއިރެވެ.

އެމްއެންޑީއެފްއިން ވިދާޅުވީ "ހަމްދު" ދޯނީގައި ރޯވެފައިވާ އަލިފާން ނިންވާލުމަށް ދ. ކުޑަހުވަދޫ ފަޔަރ ސްޓޭޝަނުގެ ފަޔަރ ފައިޓަރުންނަށް އެހީތެރިވުމަށް، އެމްއެންޑީއެފް ސެންޓްރަލް އޭރިއާ ކޮމާންޑް، ފ. ނިލަންދޫ ފަޔަރ ސްޓޭޝަންގެ ފަޔަރ ފައިޓަރުންވެސް ހަރަކާތްތެރިވެފައިވާކަމަށެވެ. ދަ

މި ދޯނިން ދަތުރުކުރަމުން ދިޔައީ 4 މީހުންކަމަށާއި، އެ އެންމެންގެ ހާލުވެސް ރަނގަޅުކަމަށް އެމްއެންޑީއެފްއިން ވިދާޅުވެއެވެ. މި ހާދިސާގައި އެ ދޯނި ވަނީ ވަރަށް ބޮޑަށް އަދާފައެވެ.