މަޝްރޫޢުތައް ކުރިއަށްދާގޮތް ބެލުމަށް ގެދޮރުވެރިކަމާބެހޭ ވުޒާރާއިން މުއައްސާތަކާ ބައްދަލުކުރަން ފަށައިފި

ރަށްރަށުގައި ކުރިއަށްގެންދާ ޕަބްލިކް ސެކްޓަރ އިންވެސްޓްމަންޓް (ޕީއެސްއައިޕީ) މަޝްރޫޢުތަކުގެ އަދާހަމަ ބެލުމަށް ގެދޮރުވެރިކަމާ ބެހޭ ވުޒާރާއިން މުއައްސަސާތަކާއި، ވުޒާރާތަކާ ބައްދަލުކުރަން ފަށައިފިއެވެ.

ގެދޮރުވެރިކަމާ ބެހޭ ވުޒާރާގެ ޕްލޭނިން ޑިޕާޓުމެންޓުން ކުރިއަށްގެންދާ މި ބައްދަލުވުންތައް ފަށައިފައިވަނީ މިދިޔަ މަހުގެ 28 ވަނަ ދުވަހުއެވެ.

އެ ބައްދަލުވުންތަކުގައި ބަލާނީ އެ ވުޒާރާއަކުން ނުވަތަ އެ މުއައްސަސާއަކުން ކުރިއައްގެންދާ ޕަބްލިކް ސެކްޓާ އިވެންވެސްޓްމެންޓް ޕްރޮގްރާމް، ޕީއެސްއައިޕީތަކުގެ މައުލޫމާތުތަކަށެވެ. ޕީއެސްއައިޕީ މަޝްރޫޢުތަކުގެ އަދާހަމަ ދެނެގަތުމަށް ގެދޮރުވެރިކަމާ ބެހޭ ވުޒާރާއިން މިހާތަނަށް ވަނީ 10 އިދާރާއަކާއި ބައްދަލުކުރައްވާފައެވެ.

ވުޒާރާއިން މަޢުލޫމާތު ދެއްވިގޮތުގައި މި ބައްދަލުވުންތަކުގެ ބޭނުމަކީ ޕީއެސްއައިޕީ ޕްރޮޖެކްޓުތައް ކުރިއަށް ގެންދިއުމަށް މުއައްސަސާތަކާ ވުޒާރާތަކަށް ކުރިމަތިވާ ދަތިތައް ދެނެގަނެ، އެ ދަތިތައް ފިލުވައިދިނުމަށް އެހީތެރިވެދިނުމެވެ. މި ބައްދަލުވުންތަކުގައި ޕީއެސްއައިޕީ ވަކިވަކި މަޝްރޫޢުތައް ކުރިއަށް ގޮސްފައިވާ މިންވަރު ދެނެގަނެ އެ މަޝްރޫޢުތަކަށް ކޮށްފައިވާ ހޭދަތައްވެސް ބަލާނެއެވެ.

ސަރުކާރުން ކުރިއަށްގެންދާ މަޝްރޫޢުތައް ލަސްވިޔަ ނުދީ އަވަހަށް ކުރިއަށް ގެންދިއުމަށް ބާރުއެޅުމަށް މި ބައްދަލުވުންތަކުގައި ދަނީ، މަޝްރޫޢުތައް އިތުރަށް އަވަސްކުރުމަށް ކުރެވޭނެ ކަންކަމަށްވެސް މަޝްވަރާކުރަމުންނެވެ. މީގެއިތުރުން އެ އިދާރާއަކުން ކުރިއަށް ރޭވިފައިވާ މަޝްރޫޢުތައްވެސް އޮޅުންފިލުވާ އެ މަޝްރޫޢުތައް ފެށުމަށް ކުރާ މަސައްކަތްތައްވެސް ދަނީ ބަލަމުންނެވެ.

މިއަހަރަށް 49.8 ބިލިޔަން ރުފިޔާ ބަޖެޓުގެގޮތުގައި ފާސްކުރިއިރު، ބަޖެޓުގައި 8.9 ބިލިޔަން ރުފިޔާ ކަނޑައަޅާފައިވަނީ ޕީއެސްއައިޕީ މަޝްރޫޢުތަކަށެވެ. އެންމެ ބޮޑު ހޭދައެއް ކަނޑައަޅާފައިވަނީ ލަފާފުރުމުގެ ދަތިކަން ޙައްލުކުރުމަށެވެ.

ކުރިއަށް އޮތް 2025ވަނަ އަހަރު ސަރުކާރުން ޕީއެސްއައިޕީ ދާއިރާއިން އެންމެ ބޮޑު ހޭދައެއް ކުރާނީ ބޯހިޔާވަހިކަމުގެ މައްސަލަ ޙައްލުކުރުމަށެވެ.