ޚަބަރު
ވިއްސާރައިގައި އައިޖީއެމްއެޗް ކައިރީ ހުރި ފާރެއް ވެއްޓި ސައިކަލުތަކަކަށް ގެއްލުންވެއްޖެެ
-
މިހާދިސާގައި މީހަކަށް އަނިޔާވިކަމެއް ސާފެއް ނުވޭ
އައިޖީއެމްއެޗް ކައިރީގައި ހުރި ފާރު ވެއްޓިފައި/ ފޮޓޯ: ސަން އޮންލައިން
ރާއްޖެއަށް މިހާރު ކުރަމުންދާ ވިއްސާރައިގައި އައިޖީއެމްއެޗް ކައިރީގައި ހުރި ފާރެއް ވެއްޓި ގިނަ އަދަދެއްގެ ސައިކަލުތަކަށް ގެއްލުން ވެއްޖެއެވެ.
ވިއްސާރަވެ ވައިގަދަވުމުގެ ސަބަބުން ވެއްޓިފައިވަނީ އައިޖީއެމްޗްގެ އިމަރޖެންސީ ކައިރިން ދިރާގުގެ ހެޑް ކުއާޓަރސް ފަހަތަށް ވާގޮތަށް ހުރި ފާރެކެވެ. ފާރުވެއްޓިފައިވަނީ އެތަނުގައި ހުރި ގަހަކާވެސް އެކުގައެވެ.
ފާރު ވެއްޓުނު ހާދިސާގައި ގެއްލުން ވެފައިވަނީ އެތަނުގައި ޕާކުކޮށްފައި ހުރި ސައިކަލުތަކަކަށެވެ.
މި ހާދިސާގައި އެއްވެސް މީހަކަށް އަނިޔާވިކަމެއް ސާފެއް ނުވެއެވެ.
ފާރު ނަގައި އެ ސަރަހައްދު ސާފު ކުރުމުގެ މަސައްކަތް ކަމާބެހޭ އިދާރާތައް ގުޅިގެން މިހާރު ދަނީ ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ