އިންޑިއާއާއެކު ދިފާޢީ ގުޅުންތައް ބަދަހިކުރުމާއި ގުޅޭގޮތުން މަޝްވަރާކޮށްފި

އިންޑިއާއާއެކު ރާއްޖެއިން ބާއްވާ ދިފާޢީ ގުޅުންތައް ބަދަހިކުރުމާއި ގުޅޭގޮތުން މަޝްވަރާކޮށްފިއެވެ.

މި މަޝްވަރާތައް ބާއްވާފައިވަނީ ރަސްމީ ދަތުރުފުޅެއްގައި ރާއްޖެ ވަޑައިގެން އުޅުއްވާ އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމާނިއަމް ޖައިޝަންކަރާއި ދިފާއީ ވަޒީރު ޣައްސާން މައުމޫން ބޭއްވެވި ބައްދަލުކުރެއްވުމުގައެވެ.

An engaging, productive and friendly meeting with Hon. @DrSJaishankar, External Affairs Minister of India. Discussed defence and security cooperation. Explored areas of future collaboration in safeguarding Indian Ocean peace and stability. Affirmed mutual respect for one… pic.twitter.com/mS0FXMvdPE

— Mohamed Ghassan Maumoon (@mgmaumoon) August 10, 2024

މި ބައްދަލުވުމާއި ގުޅޭގޮތުން ދިފާއީ ވަޒީރު ޣައްސާން މައުމޫން ކުރެއްވި ޓްވީޓެއްގައި ވިދާޅުވީ ދިފާޢީ އަދި ސަލާމަތީ ކަންކަމުގައި އެކުގައި މަސައްކަތްކުރުމާއި އިންޑިއާ ކަނޑުގެ ރައްކާތެރިކަމާއި ސަރަހައްދީ އަމަން އަމާންކަން ދެމެހެއްޓުމުގައި ދެ ގައުމު އެކުގައި ކުރެވޭނެ މަސައްކަތްތަކާ ގުޅޭގޮތުން މި ބައްދަލުވުމުގައި މަޝްވަރާކުރެވުނުކަމަށެވެ.

ދިފާއީ ވުޒާރާގައި ބޭއްވި މި ބައްދަލުވުމުގައި އެމްއެންޑީއެފުގެ އިސް އޮފިޝަލުންނާއި އިންޑިއާގެ ޚާރިޖީ ވަޒީރާއާއެކު ރާއްޖެ ވަޑައިގެންނެވި ވަފްދުގެ ބޭފުޅުން ބައިވެރިވެވަޑައިގެންފައެވެ.