އައިޔޫއެމްއަކީ ދިވެހި މުޖްތަމައުއަށް އިންގިލާބީ ބަދަލެއް ގެނައި ތާރީހީ ހިޔާވައްސެއް: ސާޖިދާ

މޯލްޑިވްސް އިސްލާމިކް ޔުނިވާރިސިޓީ، އައިޔޫއެމްއަކީ ފަހުގެ ތާރީހެއްގައި ދިވެހި އިސްލާމީ މުޖްތަމަޢުއަށް އިންގިލާބީ ބަދަލުތަކެއް ގެނައި ތާރީހީ ހިޔާވައްސެއްކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ވިދާޅުވެޖެއެވެ.

ރައީސުލްޖުމްހޫރިއްޔާގެ އަނބިކަނބަލުން މިހެން ވިދާޅުވީ މޯލްޑިވްސް އިސްލާމިކް ޔުނިވާރިސިޓީގެ ދަސްވެނިވުމުގެ ރަސްމިއްޔާތު ޝަރަފުވެރިކޮށްދެއްވާ ދެއްކެވި ވާހަކަފުޅުގައެވެ.

ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ވިދާޅުވީ 1980 ވަނަ އަހަރުގެ ކުރީކޮޅު މައުހަދުގެ ނަމުގައި އުފެދުނު، އަދި ފަހުން އެކި ނަންނަމުގައި ހިންގަމުން އައިސް މިއަދު މޯލްޑިވްސް އިސްލާމިން ޔުނިވާރސިޓީއަށް ބަދަލްވެފައިވާ ޔުނިވަރސިޓީއަކީ ތަފާތު އެކި ރޮނގު ރޮނގުން، އެތައް ބަޔަކު ބިނާކޮށްފައިވާ މުހިންމު ހިޔާވައްސެއްކަމަށެވެ. އެގޮތުން އެ ޔުނިވަރސިޓީން ތައުލީމް ހާސިލުކޮށްގެން މިއަދު އެކި ދާއިރާތަކަށް ހިދުމަތްކުރާ އެތައް ހިދުމަތްތެރިންނެއް މިއަދު އެބަ ތިއްބެވިކަން ރައީސުލްޖުމްހޫރިއްޔާގެ އަނބިކަނބަލުން ފާހަގަކުރެއްވިއެވެ.

" އަޅުގަނޑުމެން މައުހަދުގެ ނަމުން ކިއަސް ކުއްލިޔާގެ ނަމުން ކިއަސް ނުވަތަ ޔުނިވާރސިޓީއެއްގެ ނަމުން ކިއަސް މި އަގުހުރި ހިސާވައްސަކީ ދިވެހި ގައުމަށް ދިވެހި ފަހުގެ ތާރީހެއްގައި އިސްލާމީ މުޖްޔަމުއަށް އިންގިލާބީ ބަދަލެއް ގެނައި ތާރީހީ ހިޔާވައްސެއް. މި ހިޔާވައްސައް ނިސްބަތްވާ އެތައް މެޑިކަލް ޑޮކްޓަރުންނެއް އެބަތިބި، އާކިޓެކްޓަރުން، އިންޖިނިއަރުން، ގާޒީ، ގާނޫނޫ ވަކީލުން، ނޫސްވެރިން، ގާރީން، މުދައްރިސުން، އިމާމުން، ލިޔުންތެރިން، ވާހަކަދެއްކުންތެރިން މިހެން ގޮސް އެތައް ރޮނގަކުން މި މުއައްސަސާ ވަނީ ދިވެހި ގައުމަށް ބޭނުންވާ ފަރުދުންނެއް ބިނާކޮށްފައި" ސާޖިދާ ވިދާޅުވިއެވެ.

ސާޖިދާ ވިދާޅުވީ ހަޤީޤީ ދަސްވެނިވުމަކީ ސަނަދެއް ނޫނުންކަމަށާއި ހަޤީޤީ ދަސްވެނިވުމަކީ ގާބިލްކަންކަމަށެވެ. އެގޮތުން މީހުންނާއި ގުޅިގެން އުޅުމުގެ ގާބިލްކަމާއި މުއާމަލާތް ކުރުމާއި މުވާސަލާތްކުރުމުގެ ގާބިލްކަމާއި ކަންކަން ވަޒަންކޮށް ފާޑުކިޔުމުގެ ގާބިލްކަމުގެ އިތުރުން ކަންކަން އިސްލާހުކޮށް ރަނގަޅު ކުރުމުގެ ގާބިލްކަމުގެ މުހިއްމުކަން އެކަމަނާ ފާހަގަކުރެއްވިއެެވެ.

ސާޖިދާ ވިދާޅުވީ އިސްލާމީ ޔުނިވާރސިޓީގެ ފުރާޅުގެ ދަށުން މުޖްތަމައުއަށް ނިކުންނައިރު އޮންނަ އިތުުބާރަށް އަމާނާތްތެރިވުމަކީ ވަރަށް މުހިންމު ކަމެއްކަމަށެވެ. އަދި އެއްވެސް ދަރިވަރަކު ދަސްވެނިވުމަށްފަހު ކިޔެވުން ނިންމާނުލުމަށްވެސް އެކަމަނާ އިލްތިމާސްކުރެއްވިއެވެ.