އިސްކަންދަރު ސްކޫލަށް 55 އަހަރު ފުރުން ފާހަގަކުރުމުގެ ގޮތުން ފެއަރއެއް ފަށްޓަވައިފިއެވެ.
މިފެއަރގައި ހުނަރު ދައްކާލުމުގެ ކުޅިވަރުގެ އެކި ސްޓޯލްތަކާއި، އަމިއްލަ ފަރާތްތަކުގެ ވިޔަފާރި ސްޓޯލްތަކުގެ އިތުރަށް ކެންޓީނުގެ ޚިދުމަތް ލިބެން އެބަހުއްޓެވެ.
މާދަމާ ރޭގެ ނިޔަލަށް ކުރިއަށް ގެންދަވާ މިފެއަރއަށް ވަނުމުގެ ފީއެއްގެ ގޮތުގައި ކަނޑައަޅާފައިވަނީ ހަވީރު 10 ރުފިޔާ، އަދި ރޭގަނޑު 20 ރުފިޔާއަށެވެ. ފެއަރއަށް ވަންނަ މީހުންގެ ތެރެއިން ސްޕޮންސަރުން ހުށަހަޅާފައިވާ އިނާމުތައް ލިބޭނެ ފަރާތެއް ހޮވުމަށް ކޮންމެ ދުވަހަކު ޤުރުއަތުލުމެއް ކުރިއަށްދާނެކަމަށް އިސްކަންދަރު ސްކޫލުން ވިދާޅުވެއެވެ. އަދި ފެއަރ ނިމުމުން މުޅި ފެއަރއަށް ވަންނަ މީހުންގެ ތެރެއިން ދުބާއީ ދެކޮޅު ޓިކެޓެއް ލިބޭ ޤުރުއަތުލުމެއް ބޭއްވުމަށްވެސް ހަމަޖެހިފައިވާކަމަށް އެފަރާތުން ވިދާޅުވެއެވެ.