މިދިޔަ އަހަރުގެ މާރޗުމަހާއި އަޅާބަލާއިރު މިއަހަރުގެ މާރޗުމަހުގެ ތެރޭގައި މީރާއިން ބަލައިގަތް އާމްދަނީގެ މިންވަރު 13.7 އިންސައްތަ ދަށަށް ގޮސްފައިވާ ކަމަށް މޯލްޑިވްސް އިންލެންޑް ރެވެނިއު އޮތޯރިޓީ، މީރާއިން ހާމަކޮށްފިއެވެ.
މީރާއިން އާއްމުކުރި ތަފާސް ހިސާބުތައް ދައްކާ ގޮތުން މިދިޔަމަހު ޖުމްލަ އާމްދަނީގެ ގޮތުގައި ބަލައިގަނެފައިވަނީ، އެކެއް ޕޮއިންޓް އެކެއް ބިލިއަން ރުފިޔާއެވެ. މިދިޔަމަހު ޑޮލަރުން ބަލައިގަތް އާމްދަނީގެ މިންވަރުވަނީ އަށެއް ޕޮއިންޓް ދޭއް އިންސައް ދަށަށް ގޮސްފައެވެ. މިދިޔަ މަހު ބަލައިގަތް އާމްދަނީގެ ތެރޭގައި އެމެރިކާ ޑޮލަރުގެ ގޮތުގައި ބަލައިގަނެފައިވަނީ، ފަންސާސް ދޭއް ޕޮއިންޓް ފަހެއް މިލިއަން ޑޮލަރުއެވެ.
މިދިޔަ މަހު ދައުލަތައް މުދަލާއި ހިދުމަތުގެ އަގުން ނަގާ ޓެކްސް، ޖީއެސްޓީގެ ގޮތުގައި ފައްސަތޭކަ ފަސްދޮޅަސް ދެ މިލިއަން ރުފިޔާ ބަލައިގަނެފައިވެއެވެ. އަދި ޓޫރިޒަމް ލޭންޑް ރެންޓްގެ ގޮތުގައި ދުއިސައްތަ ހަތްދިހަ ހަތް މިލިއަން ރުފިޔާ ލިބިފައިވެއެވެ. އަދި ވިޔަފާރީގެ ފައިދާ އިން ނަގާ ޓެކްސް، ބީޕީޓީގެ ގޮތުގައި ލިބިފައިވަނީ، 64.1 މިލިއަން ރުފިޔާއެވެ. މީރާގެ ހިސާބުތައް ދައްކާ ގޮތުން ގްރީން ޓެކްސްގެ ގޮތުގައި ދައުލަތައް ލިބިފައިވަނީ، 66 މިލިއަން ރުފިޔާއެވެ.