ޖައްވު ނުސާފުވަނީ އިރުމަތިން ޖެހޭ ވައިގެ ސަބަބުން

މިދުވަސްވަރު ޖައްވު ނުސާފުވަނީ އިރުމަތިން ޖެހެމުންދާ ވައިގެ ސަބަބުން ކަމަށް މޫސުމާއި ބެހޭ ގައުމީ އިދާރާއިން ބުނެފިއެވެ.

ޖައްވު ނުސާފުކޮށް ފެންނަ ސަބަބާ ގުޅޭގޮތުން އެކްސްގައި ކުރި ޕޯސްޓެއްގައި މޫސުމާބެހޭ އިދާރާއިން ވިދާޅުވީ އިރުމަތިން ޖެހެމުންދާ ވައިގެ ސަބަބުން އުތުރާއި މެދުރާއްޖެތެރޭގެ ވައި ނުސާފުވެ، ހަމަލޮލަށް ފެންނަ ދުރުމިން ވަރަށް ބޮޑަށް ދައްވެފައިވާ ކަމަށެވެ.

Visibility is reduced to 5km in the central and northern parts of the country due to haze. pic.twitter.com/LjhPIruS0G

— Maldives Meteorology (@MetMaldives) January 15, 2024

މޫސުމާބެހޭ އިދާރާއިން ބުނީ ސާފު ދުވަހެއްގައި 10 ކިލޯ މީޓަރަށް ވުރެ ދުރު ފެނުނު ނަމަވެސް ވޭތުވެދިޔަ 24 ގަޑިއިރު މެދު ރާއްޖެތެރޭ ސަރަހައްދަށް މިމިންވަރު 5 ކިލޯ މީޓަރަށް ދައްވެފައިވާކަމަށެވެ.

އެއިދާރާއިން ބުނީ ދުރު ފެންނަ ނިސްބަތް ބަދަލުވުމުގައި ވައިގެ މިސްރާބާއި ބާރުމިނާއި ވިއްސާރަވުންވެސް މުހިންމު ދައުރެއް އަދާކުރާ ކަމަށެވެ.