ކެމްޕެއިންގައި ރައީސް ޞާލިޙް 170އަށްވުރެ ގިނަ ރަށަށް، ރައްޔިތުންނާ ގާތަށް

ކުރިއަށް އޮތް ރިޔާސީ އިންތިޚާބަށް ކުރައްވަމުން ގެންދަވާ ކެމްޕެއިންގެ ތެރެއިން ރާއްޖޭގެ 170އަށްވުރެ ގިނަ ރަށަށް އެމްޑީޕީގެ ރިޔާސީ ކެންޑިޑޭޓް އިބްރާހީމް މުޙައްމަދު ޞާލިޙް ވަޑައިގެންފިއެވެ. ކެމްޕެއިން ދަތުރުފުޅުގެ ތެރެއިން އެމަނިކުފާނު އެންމެ ފަހުން ވަޑައިގަތީ މާލެ އަތޮޅު ހިންމަފުއްޓަށެވެ.

މި ދަތުރުފުޅުގެ ތެރެއިން ރައީސް ޞާލިޙް ވަނީ ކުރިއަށް އޮތް ދައުރަށް އިންތިޚާބު ވެވަޑައިގެންފިނަމަ ކޮށްދެއްވާނެ ގިނަ ކަންތައްތަކަށް ވަޢުދުވެވަޑައިގެންފައެވެ. އޭގެތެރޭގައި ރާއްޖޭގެ އެންމެ ކުދި އާބާދީ އޮތް ރަށްރަށުގެ މަގުތައްވެސް ތާރު އަޅައިގެން ޒަމާނީ ފެންވަރަށް ތަރައްޤީކުރެއްވުމާއި، އެކި ކަންކޮޅުތަކުގައި އެއަރޕޯޓްތައް ތަރައްޤީކުރުމާއި، ސިއްޙީ ފެންވަރު މަތިކޮށް ސިޙީ މަރުކަޒުތަކުގެ ޖާގަ އިތުރުކޮށް އާބާދީ ބޮޑެތި ރަށްރަށުގައި ހޮސްޕިޓަލްތައް އަޅާއިދިނުންފަދަ ކަންކަން ހިމެނެއެވެ. މި ފާއިތުވި ފަސް އަހަރަކީވެސް އެފަދަ މަޝްރޫއުތައް ހިންގެވި ފަސް އަހަރެވެ.

ރަށްރަށް ވަޑައިގެން ރައްޔިތުންނަށް ރައީސް ދެއްވި ޔަޤީންކަމަކީ މި ފަސް އަހަރެކޭ އެއްފަދައިން އަމާން ސުލްޙަވެރި ޤައުމެއްގެ ގޮތުގައި ދަމަހައްޓައިދެއްވާނެކަމެވެ. ހަމަނުޖެހުމާއި ނާމާންކަމުން ޤައުމު ސަލާމަތްކޮށްދީ ކޮންމެ ފިކުރެއްގެ މީހަކަށްވެސް ހަމަޖެހިލައިގެން ދިރިއުޅެވޭނެ ޤައުމެއް ކަށަވަރުކޮށްދެއްވުމެވެ.

ރައީސް ޞާލިހު ވެރިކަމާ، ޙަވާލުވެވަޑައިގަތުމުގެ ކުރިންވެސް ރައްޔިތުންނަށް ދެއްވި އެންމެބޮޑު ޔަގީންކަމަކީ، ވެރިކަމުގެ ބާރުތަކަކީ ރައްޔިތުންނާ ހަމާގައި އޮތްބާރެއްކަން ޔަގީންކޮށްދެއްވުމެވެ. މިކަން ކަށަވަރު ކޮށްދެއްވާފައިވަނީ ރާއްޖޭގެ މިވީ ދިގު ތާރީޚުގައިވެސް އެއްވެސް ވެރިއަކަށް ކުރަން ކެރިވަޑައިނުގަތް މަރުކަޒީ ބާރުތައް ރައްޔިތުންނާ ހަމައަށް ދޫކޮށްލައި ޤާނޫނީ ބާރުވެރިކަން ކައުންސިލްތަކަށް ދޫކޮށްލައިގެންނެވެ. މިއަދު ކޮންމެރަށަކީ، ކޮންމެ ސިޓީއަކީ ޤާނޫނީ ގޮތުން ބަސްބުނުމުގެ ބާރުލިބިފައިވާ، އަމިއްލަ މިލްކިއްޔާތާއި، އަމިއްލަ ފުދުންތެރިކަން އޮތް ބައެކެވެ.

އެކި ފިކުރުގެ އެކި ވިސްނުމުގެ އެންމެހާ ރައްޔިތުންގެ ރައީސްގެ ގޮތުގައި ރައީސް ރައީސް އިބްރާހީމް މުޙައްމަދު ޞާލިޙު ސިފަކުރެވެނީ މިފަދަ އެތައް ސަބުތަކަކާހެދިއެވެ.

ރައީސް އިބޫ އައްޑޫސިޓީ ހުޅުދޫ އަށް ވަޑައިގަތުމުން ގަދަހޫނުގަައި ނިކުމެ ހުޅުދޫ ރައްޔިތުން ހޫނު މަރުހަބާއެއް ދަންނަވައިފި.#IbuOK #VoteMDP pic.twitter.com/PVXRgD9fGU

— Hussain Shafiu #Ibu2023 (@charly_thuthu) September 7, 2023

ރައީސް އިބޫ އައްޑޫސިޓީ ހުޅުދޫ އަށް ވަޑައިގަތުމުން ގަދަހޫނުގަައި ނިކުމެ ހުޅުދޫ ރައްޔިތުން ހޫނު މަރުހަބާއެއް ދަންނަވައިފި.#IbuOK #VoteMDP pic.twitter.com/ILjiBehj4T

— Hussain Shafiu #Ibu2023 (@charly_thuthu) September 7, 2023

އެންމެ މުހިންމު އެއް ސަބަބަކީ މަލްޓިޕާޓީ ވެރިކަމުގެ ނިޒާމުގެ ތެރެއިން މިހާތަނަށް ކޯލިޝަންގެ ވެރިކަމެއް ދެމެހެއްޓުނު ހަމައެކަނި ސަރުކާރަކީވެސް މިސަރުކާރުކަމަށް ވުމެވެ. ތަފާތު ފިކުރުތަކުގެ ބޭފުޅުންނާއިއެކު 5 އަހަރު ކާމިޔާބު ވެރިކަމެއް ދެމިއޮތީ މަޝްވަރާއާއި އެއްބައިވަންތަ ކަމާއިއެކުގައެވެ. މިއާއިއެކު އިދިކޮޅު ފަރާތްތަކުގެ އަޑުވެސް އަހައި އެބޭފުޅުންނަށްވެސް ސީދާ ރައީސުލްޖުމްހޫރިއްޔާއާ ހަމައަށް ކަންބޮޑުވުންތަކުގެ އަޑުތައް ގެންދިއުމުގެ ފުރުސަތު ވަނީ ދެއްވާފައެވެ. އަދި ކުރިން ހިފެހެއްޓިފައިއޮތް އެއްވެ އުޅުމާއި، މުޒާހަރާ ކުރުމުގެ ފުރުސަތުވެސް ވަނީ ހުޅުވާލަދެއްވާފައެވެ.

ރިޔާސީ ނިޒާމެއްގައި ރައްޔިތުންނަށް އެންމެ ފައިދާހުރި ކަންކަން ހާސިލްކުރުމަށްޓަކައި، ސަރުކާރުން ވަނީ މުހިންމު ބޮޑެތި މަސައްކަތްތަކެއް ކުރައްވާފައެވެ. ރާއްޖޭގެ ރައްޔިތުންނަކީ ނަޖިހުން ސަލާމަތްވެފައިވާ ރައްޔިތުންތަކަކަށް ހެދުމަށް، ފެނާއި، ނަރުދަމާގެ ނިޒާމުގެ މަސައްކަތް ހުއްޓުމެއްނެތި ދަނީ ކުރެވެމުންނެވެ.

ކޮންމެ ރައްޔިތަކީވެސް އެމީހަކު އަދާކުރާ ވަޒީފާއިން ހައްގު މުސާރަ ލިބޭނެ ބަޔަކަށް ހެދުމަށް އެންމެ ކުޑައުޖޫރަ ކަނޑައަޅައި އަންނަ އަހަރުން ފެށިގެން ތަންފީޒު ކުރުމަށް ސަރުކާރުން ވަނީ ނިންމަވާފައެވެ. މިއީވެސް ފާއިތުވެދިޔަ އެއްވެސް ވެރިޔަކަށް ކުރަން ކެރިވަޑައިނުގެން ފަހަތު ފަޔަށް ބުރަވެވަޑައިގެންނެވި މަސައްކަތެކެވެ.

މިނިމަން ވޭޖާއެކު ސިވިލްސަރވިސްގެ މުވައްޒަފުންގެ ތެރެއިން ގިނަ ޢަދަދެއްގެ މުވައްޒަފުންނަށް މުސާރައިގެ ކުއެރުން ލިބިގެންދާނެއެވެ. އަދި މިއާއެކު ޕްރައިވެޓް ސެކްޓަރގައާއި، ރިސޯޓް މުވައްޒިފުންގެ މުސާރައަށްވެސް ބޮޑު ކުރިއެރުމެއް ލިބިގެންދާނެއެވެ.

ސަރުކާރުގެ ސިޔާސަތުތައް ތަންފީޒު ކުރުމުގައި އެންމެ ބޮޑު އިސްކަމެއް ދެއްވާފައިވަނީ ދަރަނިކުޑަކޮށް، އިޤްތިޞާދު ކުރެވޭނެ ސިޔާސަތެއްގެ މައްޗަށެވެ. ކޯވިޑާއެކު މުޅި ދުނިޔެ ބަންދުވެފައި އޮތް ހާލަތުގައިވެސް އެއްވެސް މުވައްޒަފެއްގެ މުސާރަ ކުޑަނުކޮށް، ދައުލަތުން ކުރަންޖެހޭ އެންމެހައި ޚަރަދުތައް އެއްވެސް ހުއްޓުމެއްނެތި ދިޔައީ ކުރައްވަމުންނެވެ. މިކަންކުރުމުގައި ފާއިތުވެދިޔަ ދައުރުތަކުގައި އުފުލިފައިވާ ދަރަނީގެ ނިސްބަތް ކުޑަކޮށް، އިޤްތިޞާދު މެނޭޖުކޮށް ދައުލަތުގެ ދަރަނި އިންތިހާއަށް ބޮޑުނުވެ އެއްމިންގަނޑެއްގައި ހިފެހެއްޓިއެވެ.

ނިމިދިޔަ ވެރިކަމުގައި ރާއްޖެއަކީ ދުނިޔެއާ އެކަހެރިވެފައި އޮތް، ދުނިޔެއާއި ބީރައްޓިހި ޤައުމަކަށް ވީނަމަވެސް ރާއްޖެއިންވަނީ ބައިނަލް އަޤުވާމީ މައިދާނުގައި ބޮޑެތި ޤައުމުތަކާ އެއްހަމައެއްގައި ފައިހަރުކޮށް، ޚާރިޖީ އެންމެ މަތީ ކުރިބޯއްޓަށް ވާސިލްވެފައެވެ.

މިހުރިހާ ކަމަކާއިއެކު ސަރުކާރުން އެންމެ އިސްކަންދިން ކަމަކީ ސުލްހަވެރިކަމާއި، ހަމަޖެހުން ގާއިމް ކުރުމެވެ. އެކަން ކުރުމަށް މިވީ ތިން އަހަރު ހާސިލުކުރެވުނު ކާމިޔާބީއަކީ މިއަދު ޤައުމުން ފެނިގެންދާ ހަމަޖެހުމެވެ. ގޭންގު މާރާ މާރީތަކާއި، މީހުން މެރުމާއި، ވައްކަމާއި ފޭރުން ވަނީ ކުޑަކުރެވިފައެވެ. ސަރުކާރުން އަމާޒު ހިފާފައިވަނީ ރައްޔިތުންގެ ހަމަޖެހުމަށްޓަކައި އަވަށްޓެރި ފުލުހުންގެ ސިޔާސަތާއެކު ރާއްޖޭގެ ހަމަޖެހުން ޤާއިމްކޮށް ރައްޔިތުންގެ ވެރިކަމެއް ކޮށްދިނުމެވެ. އަދި ކުރިއަށް އޮތް ދެ އަހަކީ ސަރުކާރުން ވެފައިވާ ވައުދުތައް ފުއްދަވައި ނިންމެވުމަށް ކަނޑައަޅުއްވާފައިވާ ދެ އަހަރެވެ. ދިމާވި އެއްވެސް ހުރަހަކަށް ބެލުމެއްނެތި، ބަހަނާއެއްނެތި ނަތީޖާ ނެރޭނެ 2 އަހަރަށް ހެދުމެވެ.